ہر ہفتے کی ایتوار اور بدھوار کو صبح چار بجے سے شام پانچ بجے تک کوئی بھی سویلین ٹریفک نقل و حمل نہیں ہو گی

جموں :پارلیمانی انتخابات کے دوران قومی شاہراہ پر سیکورٹی فورسز کی وسیع پیمانے پر نقل و حمل اور سیکورٹی فورسز کی کانوائی پر کسی بھی ممکنہ دہشت گردانہ حملے کو مدِ نظر رکھتے ہوئے ریاستی حکومت نے سرینگر سے جموں کیلئے حفاظتی دستوں کی کانوائی کو چلانے کی خاطر کچھ خاص دن مقرر کئے ہیں ۔ ان دنوں کے دوران قومی شاہراہ پر کسی بھی سویلین ٹریفک کو چلنے کی اجازت نہیں دی جائے گی ۔

اس فیصلے سے عام لوگوں کو پیش آنے والی مشکلات کے ازالے کیلئے حکومت نے ہفتے کے دو دن ، ایتوار اور بدھوار کو سیکورٹی فورسز کی کانوائی کیلئے مخصوص کیا ہے اور ان دو دنوں پر شاہراہ پر صبح چار بجے سے شام پانچ بجے تک سویلین ٹریفک کو چلنے کی اجازت نہیں دی جائے گی ۔ یہ پابندی بارہمولہ سے براستہ سرینگر ، قاضی گنڈ ، جواہر ٹنل ، بانہال اور رام بن ۔ اودھمپور تک عائد رہے گی ۔

حکومت نے مزید فیصلہ لیا ہے کہ کسی بھی ہنگامی صورتحال میں اگر مقامی ٹریفک کو چلانا پڑے تو مقامی انتظامیہ اور پولیس اس سلسلے میں ضروری لوازمات پورا کرے گی جیسے کرفیو کے دوران کیا جاتا ہے ۔ یہ پابندیاں 31 مئی 2019 تک نافذ العمل رہیں گی ۔

یہ بات قابلِ ذکر ہے کہ مرکزی وزیر داخلہ راجناتھ سنگھ نے پلوامہ حملے کے بعد کشمیر کا دورہ کر کے یہ اعلان کیا تھا کہ فورسز کی کانوائی کی نقل و حمل کے دوران سویلین ٹریفک کو چلنے کی اجازت نہیں دی جائے گی اس دوران 30 مارچ کو بانہال میں سیکورٹی فورسز کی کانوائی پر حملے کی کوشش کی گئی ۔

بیروہ: نیشنل کانفرنس کے صدر ڈاکٹر فاروق عبداللہ نے کہا ہے کہ جموں و کشمیر کی سرزمین کے مالک یہاں کے لوگ ہیں اور کسی کو بھی ریاست کی آئینی حیثیت کیساتھ کھلواڑ کرنے کی اجازت نہیں دی جائیگی۔ انہوں نے کہا کہ جموں وکشمیر کے عوام کو ایسے نمائندوں کا انتخاب کرنا ہوگا جو پارلیمنٹ میں اُن طاقتوں کو للکاریں جو ریاست کو حاصل خصوصی مراعات کو زک پہنچانے کی مذموم کوششیں کررہے ہیں۔

بیروہ بڈگام میں چناﺅ جلسے سے خطاب کرتے ہوئے ڈاکٹر فاروق عبداللہ نے کہا ’آج ہندوستان میںوہ سرکار ہے جو انسانوں کو مذہب کے نام پر بانٹ رہی ہے اور کوشش کررہی ہے ہندو، مسلمان، سکھ، عیسائی اور دیگر مذاہب سے تعلق رکھنے والے لوگوں کو الگ الگ کھڑا کیا جائے۔آج ہماری لڑائی اُنہی عناصر کیخلاف ہے جو ملک میں بے چینی پیدا کرنا چاہتے۔‘

انہوں نے کہا کہ جب ہندوستان آزاد ہوا تو اس میں ہر کسی مذہب سے تعلق رکھنے والے لوگوں کو برابر حقوق ملے لیکن آج ان حقوق پر شب خون مارا جارہا ہے، اقلیتوں کو پشت بہ دیوار کیا جارہا ہے۔ اسی آئین میں ایسی چیزین بھی رکھی گئیں جس سے ہماری ریاست کے تشخص کو تحفظ فراہم کیا گیا۔ لیکن بعد میں ریاست کی خصوصی پوزیشن کو دھیرے دھیرے کمزور کیا گیا، اس عمل میں مقامی لیڈران نے بھی مکمل تعاون دیا اور ان لیڈران نے یہ تعاون لوگوں کے لئے نہیں بلکہ اپنے ذاتی مفادات کیلئے فراہم کیا۔

ڈاکٹر فاروق عبداللہ نے کہا کہ اب خصوصی پوزیشن میں جو کچھ بچا ہے ہمیں اُس کی حفاظت کرنی ہے اور ہماری منزل 1953کی پوزیشن کو بحال کرانا ہے۔ شیر کشمیر شیخ محمد عبداللہ نے جب 1975میں حکومت سنبھالی تو اندرا گاندھی کی اسی یقین دہانی پر سنبھالی کہ ہم 1953کی پوزیشن پر واپس جائیں گے۔ انہوں نے کہاکہ آج یہ لوگ ہمیں دبانے کی کوشش کررہی ہیں، انہیں ذہن نشین کر لینا چاہئے کہ ہم دبنے والے نہیں، مہاراجہ نے بھی ہم کو دبایا تھا پھر ایسا ہوا کہ اُسے راتوں راتوں بھاگنا پڑا۔

انہوں نے مرکز سے مخاطب ہوتے ہوئے کہا ’ہمارے ساتھ انصاف کرو،ہمیں اپنا حق دو،ہم اس ریاست کے لوگوںکا حق مانگتے ہیں، جو آپ نے ہم سے چھیناہے اور کچھ نہیں مانگتے،آگر آپ سمجھتے ہو کہ فوج کے بلبوتے پر ہمیں دبا سکتے ہو ، تو یہ آپ کی غلط فہمی ہے،یہ قوم دبنے والی نہیں، میں رہوں یا نہ رہوں ایک دن ایسا ضرور آئے گا جب آپ کو ہماری خصوصی پوزیشن واپس کرنی پڑے گی، کیونکہ آپ کے پاس اس کے سوا اور کوئی چارہ نہیں ہوگا۔‘

کانگریس کے منشور پر بات کرتے ہوئے ڈاکٹر فاروق عبداللہ نے کہا کہ یہ لوگ کہتے ہیں کہ ریاست کے تین خطوں کیلئے 3مصالحت کار نامزد کرینگے، میں کانگریس سے کہتا ہوں کہ وہ جسٹس صغیر رپورٹ، ووہرا کی رپورٹ اور پڈگاﺅنکر کی رپورٹ کو پڑھیں اور ان پر عملدرآمد کریں۔

انہوں نے کہا کہ ہمارے اُتنے دشمن باہر نہیں جتنے اندر ہے، جن لوگوں نے یہاں بی جے پی اور آر ایس ایس کو لایا وہی آج واویلا کررہے ہیں۔ جن لوگوں نے بھاجپا کیساتھ ملکر خصوصی پوزیشن کو تہس نہس کیا وہی آج اس کے دفاع کی بات کررہے ہیں۔ جی ایس ٹی کا اطلاق عمل میں لاکر ہماری مالی خودمختاری ختم کی گئی۔ انہوں نے کہا کہ 1996میں جب ہم نے حکومت سنبھالی تو یہاں کئی کئی برسوں کا ٹیکس واجب الادا تھا اور ہم نے نہ صرف اس میں رعایت کروائی بلکہ ٹیکس 20سال میں قسطوں میں ادا کرنے کی ڈھیل بھی دی اور تاجروں، صنعت کاروں اور دیگر لوگوں نے آرام سے ٹیکس اداکیا۔ آج حالت یہ ہے کہ اگر ہمیں 10پیسہ بھی معاف کرنا ہوگا تو ہمیں جی ایس ٹی کونسل کو رجوع کرنا پڑے گا اور اُن کے سامنے بھیک مانگنی پڑے گی۔ یہ مہربانی پی ڈی پی کی حکومت کے دوران محبوبہ مفتی اور اُن کے وزیر خزانہ نے ہم پر کی۔

انہوں نے کہا کہ ہم اپنا جی ایس ٹی بنا سکتے تھے لیکن ان لوگوں نے وہی قانون ریاست پر نافذ کیا جو پورے ملک میں لاگو ہوااور اس کا خمیازہ آج یہاں کے لوگ بھگت رہے ہیں۔ اس موقعے پر پارٹی کے نائب صدر عمر عبداللہ، جنرل سکریٹری علی محمد ساگر، صوبائی صدر ناصر اسلم وانی، ترجمانِ اعلیٰ آغا سید روح اللہ مہدی، ایم ایل سی آغا سید محمود، شمی اوبرائے ،تنویر صادق ، فاروق احمد شاہ اور ڈاکٹر محمد شفیع کے علاوہ کئی عہدیداران موجود تھے۔

سوناوری میں پولیس اور فو ج کے ٹینکروں کی خدمات حاصل،پانی کی شدید قلت سے ہاہاکار

سرینگر:محکمہ آب رسانی میں تعےنا ت عارضی ملازمین کی احتجاج کی وجہ سے وادی کے بےشتر علاقوں میں قائم واٹر سپلائی اسکیموں سے معمول کی پانی کی سپلائی یا فراہمی بند ہونے سے پانی کی شدید قلت سے ہاہاکار مچی ہوئی ہے۔

و اجب الادا تنخواہوں کی عدم دستیابی کے خلاف احتجاج کرر ہے محکمہ پی ایچ ائی کے عارضی ملازمین جن میں نیڈ بیس، ڈیلی ویجر،کیجول اور اراضی وقف کرنے والے افراد مسلسل ہڑتا ل پر رہے جس کے باعث لوگوں کو پانی کی عد م دستےابی کی وجہ سے سخت مشکلات کا سامنا کرنا پڑرہا ہے۔

شمال وجنوب کے متعد علاقوں سے سی این ایس نامہ نگاروں نے بتاےا کہ ہڑتا ل کی وجہ سے ان عارضی ملازمےن نے واٹر اسکےمےں بند کروائی ہےں جس کے باعث عام لوگوں کو صاف پینے کا پانی تک دستیاب نہیں ہے کیونکہ ان عارضی ملازمےن کی وجہ سے اکثر واٹر سپلائی اسکیموں سے معمول کے مطابق پانی کی سپلائی یا فراہمی بند کی گئی ۔ اس مصےبت کی وجہ سے خواتےن کو میلوں مسافت طے کرکے پینے کے پانی کی شدید قلت کے چلتے رات کے وقت پانی کے انتظارمیں قطاروں میں کھڑے رہنے کے بعدبھی معمولی سا حسب ضرورت پانی ہی دستیاب ہوتاہے۔

مانسبل وٹر اسکےم سے سوناوری کے درجنوں دیہات کو سپلائی ہو نے والا پانی ان ملازمےن کی ہڑتا ل کی وجہ سے دوسر ے روز بھی بند رہا جس کے باعث لوگوں کو سخت مشکلات کا سامنا کرنا پڑ رہا ہے۔ لوگوں کے مطابق ہڑتا ل کی وجہ سے گھر وں مےں پانی ختم ہوگےا اور لوگ گند ے ند ی نالوں کے پا نی استعمال کرنے پر مجبور ہورہے ہےں۔ پی اےچ ای سب ڈوےژ ن سمبل کے تام عارضی ملازمےن سمبل کالونی مےں ہڑتال پر تھے۔ اسٹنٹ اےگز ےکےٹےو انجےنئر پی اےچ ای سب ڈوےژ ن سمبل منےر احمد نے بتاےا کہ آ ج مانسبل واٹر اسکےم سے معمول کے مطابق پانی سپلائی ہواہے۔

ادھر سوناوری کے دےگر علاقوں جن مےں شاہ گنڈ، پاری بل ، کھمنوعہ،کاٹھہ پورہ ، حاجن، مارکنڈ ل ، نائد کھئے اور وسہ کنڈ ل شا مل ہےں سے چھو ٹی بڑ ی اسکےموں سے پانی کی سپلائی متاثر رہی اور لوگوں گونا گوں مشکلات کا سامنا کرنا پڑ رہا جس دوران کئی مقامات پر لوگوں نے سڑکوں پر نکل کر پانی کی عدم دستیابی کیخلاف احتجاجی مظاہرے کئے۔

لوگوں کے مطابق گرمی کی تپش سے راحت پانے کیلئے عام لوگوں کو صاف پینے کا پانی تک دستیاب نہیں ہے کیونکہ اکثر واٹر سپلائی اسکیموں سے معمول کے مطابق پانی کی سپلائی یا فراہمی ان عراضی ملازمےن کی احتجاج کی وجہ سے ٹھپ پڑاہے ۔ متاثرہ علاقوں میں پانی کی شدید قلت کا یہ عالم ہے کہ اسکولی بچے ، ملازم اور تاجر پیشہ افراد بغیر نہائے گھروں سے نکل جاتے ہیں۔ حتیٰ کہ مساجد میں نمازیوں کو وضوع کے لئے بھی پانی نہیں مل رہا ہے ۔

اےس ڈی اےم سمبل سےد شہنواز نے سی اےن اےس کو بتاےا کہ سوناوری کے بےشتر علاقوں مےں آ ج پانی کی شدےد قلت کے بعد پولےس اور فو ج کے ٹےنکروں کی خدمات حاصل کی گئےں۔ انہوںنے کہا کہ اگر شام تک ملازمےن اپنی ڈےو ٹےوں پر نہےں لوٹ آ ئے تو ان کے خلاف اےف آ ئی آر درج کی جائے گی۔ ادھر شمال و جنوب کے بےشتر علاقوں مےں بھی صاف پینے کا پانی سپلائی کرنے کیلئے قائم بےشتر واٹر سپلائی پلانٹ عملاًبے کار پڑے ہیں اور وہاں سے پانی کی فراہمی نہیں ہورہی ہے ۔

تاہم پی ایچ ای کے کنٹرول روم میں تعینات انجینئراور دوسرا عملہ اسے اتفاق نہیں کرتااور ان کا دعویٰ ہے کہ شہر سرینگر میں قائم تمام واٹر سپلائی پلانٹ بشمول رنگل ، آلسٹینگ ، نشاط ، پوکھری بل ، دودھ گنگا اور پادشاہی باغ واٹر سپلائی پلانٹ سے معمول کے مطابق پینے کا پانی فراہم کیا جارہا ہے ۔ کنٹرول روم پی ایچ ای سرینگر میں تعینات ایک سینئر ملازم نے سی این ایس کو بتایا کہ ہڑتال کے پےش نظر محکمہ کے مستقل ملازم، انجینئر و عملہ رات دن ڈیوتی دے رہے ہیں تاکہ پانی کی سپلائی میں کوئی رکاوٹ پیدا نہ ہو۔سی این ایس

 پولیس پبلک اسکول بمنہ کی جانب سے دوڑ کا اہتمام
آئی جی کشمیر نے دوڑ کو ہری جھنڈی دکھاکر روانہ کیا

بڈگام:    پولیس پبلک اسکول بمنہ کی جانب سے پانچویں اور بارہویں جماعت میں زیر تعلیم طلبہ و طالبات کیلئے دوڑ کا اہتمام کیاگیا جس میں اساتذہ نے بھی شرکت کی۔ نہرو پارک سرینگر میں آج صبح آئی جی کشمیر ایس پی پانی ، ایس او ٹو آئی جی پی آرمڈ جاوید احمد ڈار نے اس ریس میں شریک 490طلبا و طالبات جس میں 280طلبا،135طالبات اور تدریسی عملے سے وابستہ 75ملازمین نے حصہ لیا۔ دوڑ نہرو پارک سے شروع ہو کر بوٹینیکل گارڈن میں اختتام پذیر ہوئی ۔ اعلیٰ کارکردگی کا مظاہرہ کرنے والی طالبات میں پانچویں جماعت کی مسکان ریاض ، آٹھویں جماعت میں زیر تعلیم ثانیہ شمیم اور آٹھویں جماعت کی طالبہ نوشینہ فاطمہ نے بالترتیب پہلی ، دوسری اور تیسری پوزیشن حاصل کی۔ بائز گروپ (جونیئر ) میں آٹھویں جماعت میں زیر تعلیم جنید احمد ملک نے پہلی ، چھٹی جماعت کے طالب علم عابد گلزار نے دوسری جبکہ ساتویں جماعت میں زیر تعلیم محسن مشتاق نے تیسری پوزیشن حاصل کی ۔ علاوہ ازیں بائز گروپ (سینئر ) میں دسویں جماعت میں زیر تعلیم سرفراز احمد نے پہلی ، نویں جماعت کے طالب علم اسرار یوسف نے دوسری جبکہ گیارہویں جماعت کے ارسلان یوسف نے تیسری پوزیشن پر قبضہ کیا۔جسمانی تندرستی کیلئے دوڑ از حد ضروری ہے تاکہ جسمانی صحت کو برقرار رکھا جا سکے ۔ آخر پر پولیس پبلک اسکول بمنہ کے پرنسپل تاظم وحیدی نے آئی جی کشمیر ایس پی پانی اور جاوید احمد ڈار کا شکریہ ادا کیا۔

 بڈگام پولیس نے ضرورتمند طلبا میں مفت کتابیں تقسیم کیں

سیوک ایکشن پروگرام کے تحت بڈگام پولیس نے آج گورنمنٹ پرائمری اسکول گوگجہ پتھری اور چرار شریف میں منعقدہ ایک تقریب کے دوران حاجتمند طلبہ وطالبات میں درس وتدریس سے وابستہ سامان فراہم کیا۔ اس موقع پر اسکول میں تعینات اساتذہ ، طلبا اور مقامی ذی عزت شہریوں نے شرکت کی۔ ایس ڈی پی او چرار شریف سعید فیاض احمد نے شرکاءسے مخاطب ہوتے ہوئے کہاکہ طلبا و طالبات بہتر مستقبل کی خاطر تعلیم اور کھیل کود کی طرف اپنی توجہ مبذول کریں تاکہ اُن کا مستقبل تابناک بن سکے۔ اس موقع پر انہوں نے طلبا و طالبات کی جانب سے تعلیمی معیار کو بلند رکھنے پراُنہیں شاباشی پیش کی۔

 بڈگام پولیس نے نقب زنی کا معمہ حل کیا۔ تین سارق گرفتار

چند روز قبل پولیس اسٹیشن بڈگام میں ”ای کام ایکسپرس “ کے برانچ سربراہ نے تحریری طورپر شکایت درج کی کہ 31مارچ اور یکم اپریل2019 کی درمیانی شب کو نامعلوم نقب زن اُن کے دفتر میں گھس گئے اور وہاں پر لاکرتوڑ کر اُس میں موجود نقدی چُرا کر فرار ہوئے۔ چنانچہ پولیس نے معاملے کی نسبت ایف آئی آر زیر نمبر 7/2019کے تحت کیس درج کرکے تحقیقات شروع کی۔ دورانِ تفتیش پولیس نے کئی مشتبہ افراد کو پوچھ تاچھ کے سلسلے میں پولیس اسٹیشن طلب کیا جس دوران عادل جہانگیر ڈار ولد عبدالحد ڈار ساکنہ رازون بڈگام نے اپنا جرم قبول کیا ۔ پولیس ٹیم نے مذکورہ شخص کی نشاندہی پر چُرائی گئی3 لاکھ 65ہزار 340روپیہ کی رقم برآمد کرکے ضبط کی۔ تحقیقاتی ٹیم نے نقب زنی میں ملوث مزید دو افراد جن کی شناخت مدثر احمد ڈار ولد بشیر احمد ڈار اور عمر احمد وانی ولد غلام احمد وانی ساکنان رازون کے بطور ہوئی ہے کو بھی گرفتار کیا۔ اس طرح چوری کے اس معمے کو قلیل عرصہ میں حل کیا گیا۔عوامی حلقوں نے اطمینان کا اظہار کرتے ہوئے کہاکہ سماج میں پنپ رہے جرائم کو نیست و نابود کرنے کیلئے پولیس کی جانب سے جو اقدامات اٹھائے جارہے ہیں وہ پذیرائی کے قابل ہے۔