واشنگٹن،30 مارچ : امریکی صدر ڈونالڈ ٹرمپ نے متنبہ کیا ہے کہ اگر میکسیکو، پناہ گزینوں کے غیر قانونی نقل مکانی کرنے والوں کو نہیں روکتا ہے تو امریکہ-میکسیکو سرحد کو سیل کر دیا جائے گا۔
ٹرمپ نے جمعہ کو صحافیوں سے بات چیت کے دوران میکسیکو پر الزام لگایا کہ وہ جنوبی سر حد سے آنے والے پناہ گزینوں کو نہیں روک رہا ہے. انہوں نے کہا’’اگر میکسیکو انہیں نہیں روكےگا تو ہم سرحد کو بند کر دیں گے۔ ہم اس سرحد کو بند کر دیں گے اور طویل عرصہ تک بند رکھیں گے۔ میں کوئی کھیل نہیں کھیل رہا ہوں‘‘۔صدر کا یہ بیان ایک ہفتہ قبل ٹوئٹر پر میکسیکو کو اس سلسلہ میں انتباہ دینے کے بعد آیا ہے۔
انہوں نے ٹوئٹ کیا تھا’’اگر میکسیکو جنوبی سرحد سے آنے والے تمام پناہ گزینوں کو فوری طور پر نہیں روکتا ہے تو میں اگلے ہفتہ سر حد کو بند کر دوں گا یاسر حد کے ایک بڑے حصے کو سیل کر دیا جائے گا‘‘۔ ٹرمپ کے انتباہ کے بعد میکسیکو کے سکریٹری خارجہ مارسیلو ايبرارڈ نے ایک بیان جاری کرکے کہا کہ میکسیکو دھمکیوں سے ڈرنے والوں میں نہیں ہے۔ وہ دھمکیوں کے خوف سے کام نہیں کرتا ہے۔
ٹرمپ میکسیکو سرحد پر دیوار بنانے کے وعدے کے ساتھ سال 2016 میں صدر کے انتخابی میدان میں اترے تھے۔ اپنا یہ وعدہ پورا کرنے کی سمت میں انہوں نے قدم بھی بڑھایا لیکن اس کی تعمیر کے کیلئےکانگریس سے انہیں اربوں ڈالر کی منظوری نہیں ملی۔ اس کے بعد وہ گزشتہ سال کے آخر سے اس سر حد کو بند کرنے کی مسلسل دھمکی دیتے رہے ہیں۔
یو این آئی
