بولٹن نے مجھے صحیح طریقے سے کام کرنے کے لئے کہا ہے: لوپیز

كراكس، 30 مارچ  :  وینزویلا کے وزیر دفاع ولادیمیر پیڈرنو لوپیز نے کہا ہے کہ ملک میں سیاسی اور اقتصادی بحرانوں کے درمیان امریکی قومی سلامتی کے مشیر جان بولٹن نے پیغام بھیج کر صحیح طریقے سے کام کرنے کے لئے کہا ہے۔
وزارت دفاع کی پریس سروس نے مسٹر لوپیز کا حوالہ دیتے ہوئے کہا’’مسٹر جان بولٹن نے مجھے پیغام بھیج کر صحیح طریقے سے کام کرنے کے لئے کہا ہے۔ میں نےان سے کہہ دیا ہے کہ ہم آئین کے مطابق صحیح طریقے سے کام کر رہے ہیں، جس کا مطلب ہے کہ ہم اپنے لوگوں کی خواہشوں کا احترام کرتے ہیں اور جائز اور قانونی حقوق کی حمایت کرتے ہیں‘‘۔
مسٹر بولٹن ویزویلا کے صدر نکولس مادر کے زبردست ناقد ہیں۔
مسٹر مادرو نے جنوری میں اپنی نئی مدت کے لئے حلف لیا تھا جس کے کچھ عرصہ بعد ہی اپوزیشن لیڈر جوآن گوائیڈو نے خود کو وینزویلا کا عبوری صدر قرار دے دیا تھا. مسٹر گوائیدو کو امریکہ اور اس کے کچھ ساتھی ممالک کی حمایت حاصل ہے۔
چین اور روس سمیت کئی ممالک مسٹر مادرو کو ہی ملک کا صدر مانتے ہیں. مسٹر مادرو نے الزام لگایا کہ امریکہ کی نظر وینزویلا کے تیل کی املاک پرہے لہذا اپوزیشن لیڈر کو صدر کے طور پر منظوری دی ہے۔
اسپوتنک