نئی دہلی، 29 مارچ  :  کانگریس نے جمعہ کو پارٹی کی سینئر لیڈر اور سابق لوک سبھا اسپیکر میرا کمار کو بہار کے سہسرام ( محفوظ) لوک سبھا سیٹ سے جبکہ محترمہ رنجیتا رنجن کو سپول سے امیدوار اعلان کیا ہے۔
محترمہ میرا کمار اور محترمہ رنجیتا رنجن کو کانگریس کی آج جاری 14 ویں فہرست میں شامل کیا گیا ہے ۔
کانگریس کی سینٹرل الیکشن کمیٹی اور پارٹی کے جنرل سکریٹری مکل واسنک کی جانب سے جاری اعلامیہ کے مطابق بہار سے سات، اڈیشہ سے ایک اور اتر پردیش سے ایک امیدوار کا اعلان کیا گیا جس میں مہاراج گنج کے امیدوار کو بدلا گیا ہے۔
اس سے پہلے جمعہ کو کانگریس نے ممبئی ( شمال) لوک سبھا سیٹ سے اداکارہ ارمیلا ماتونڈكر کو امیدوار بنایا ہے۔ کانگریس نے لوک سبھا انتخابات کے لئے اب تک 305 امیدواروں کی فہرست جاری کی ہے۔
جاری ۔ یو این آئي