نئی دہلی، : مرکزی کامرس اینڈ انڈسٹری وزیر پیوش گوئل نے کہا ہے کہ امریکی مارکیٹ میں ہندوستانی مصنوعات پر درآمد ات فیس بڑھانے کے معاملے پر امریکہ کے ساتھ بات چیت چل رہی ہے اور اس کا برآمدات پر کوئی خاص اثر نہیں پڑے گا۔
مسٹر گوئل نے امریکہ کی جانب سے ہندوستانی مصنوعات کو عام پسندیدہ نظام (جی پی ایس ) سے باہر کرنے کے معاملے پر کہا کہ اس کا ہندوستانی برآمد ات پر کوئی خاص اثر نہیں پڑے گا۔جی پی ایس میں کچھ ہندوستانی مصنوعات شامل تھے جن کی امریکہ کو ہونے والےی ہندوستانی برآمد ات میں معمولی حصہ داری تھی۔اس نظام کے تحت ہندوستانی مصنوعات کو امریکی مارکیٹ میں معمولی 3.9 فیصد درآمد چھوٹ ملتی تھی جو امریکہ نے پانچ جون کو واپس لے لیا۔
مسٹر گوئل نے کہا کہ باہمی تجارت کو بڑھانے کے لئے بیرون ملک کے ساتھ بات چیت کا عمل معمول پر ہے اور یہ مسلسل جاری رہتی ے۔ بات چیت میں ہندوستانی مصنوعات پر درآمدات کی فیس بڑھانے کا قضیہ بھی شامل ہے۔
امریکہ نے اپنے بازار میں ا سٹیل پر 25 فیصد اور المونیم پر 10 فیصد درآمدات فیس بڑھادی ہے۔ اس کی وجہ سے ہندوستانی اسٹیل اور المونیم کی برآمدات میں کمی آئی ہے۔ اعداد و شمار کے مطابق امریکہ کو برآمدات میں ہونے والےا سٹیل میں 35 فیصد اور المونیم میں 14 فیصد کی گراوٹ درج کی گئی ہے۔
-جاری،یو این آئی
