جموں: منشیات فروشوں کے خلاف کریک ڈائون میں ریاسی پولیس نے ایک منشیات فروش کو گرفتار کرکے اس کی تحویل سے ہیروئن جیسا مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس پوسٹ ککریال کی ایک ٹیم نے معمول کی گشت کے دوران ایک شخص کو دھر لیا جو کٹرہ سے ٹکری کی طرف پیدل سفر کر رہا تھا۔
انہوں نے کہا کہ تلاشی کے دوران اس کی تحویل سے 3 گرام ہیروئن جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔ملزم کی شناخت شبو حسین ولد کلہ محمد ساکن چک بھگتا ریاسی کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن کٹرہ میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر 337/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ ریاسی پولیس ضلع سے منشیات کی وبا کو ختم کرنے کے لئے پر عزم ہے۔
