اننت ناگ، 3 ستمبر: جنوبی کشمیر کے ضلع اننت ناگ کے ڈورو علاقے کے میرمدان میں جمعرات کو ایک باغ میں ریچھ کے حملے سے ایک شخص زخمی ہوگیا۔
ایک عہدیدار نے بتایا کہ ڈورو علاقے میں جنگلی ریچھ کے حملے کے نتیجے میں مذکورہ شخص زخمی ہوا۔انہوں نے بتایا کہ زخمی شخص کو فوری طور پر ابتدائی علاج کے لیے سب ڈسٹرکٹ ہسپتال (ایس ڈی ایچ) ڈورو منتقل کیا گیا، جہاں ڈاکٹروں نے مزید علاج کے لیے اسے گورنمنٹ میڈیکل کالج (جی ایم سی) اننت ناگ ریفر کردیا۔
بعد ازاں زخمی شخص کی شناخت محمد مقبول بٹ ساکن مِیرمدان، ڈورو کے طور پر ہوئی۔دریں اثنا، واقعے کی تحقیقات جاری ہیں۔
(کے این او)
