جموں و کشمیر کے کپواڑہ میں چوکس جوانوں نے دراندازی کی کوشش ناکام بنائی

حکام کے ذرائع کے مطابق، یہ فائرنگ علی الصبح 3 سے 4 بجے کے درمیان ترہگام پولیس تھانے کے دائرہ اختیار میں آنے والے جمگنڈ علاقے میں ہوئی۔ ابتدائی اطلاعات کے مطابق، سکیورٹی اہلکاروں نے لائن آف کنٹرول پر مشتبہ سرگرمیاں دیکھیں، جس کے بعد کچھ دیر تک فائرنگ ہوئی۔ فوج نے اب تک اس واقعے پر کوئی بیان جاری نہیں کیا ہے۔

لائن آف کنٹرول پر سردیاں شروع ہونے سے پہلے دراندازی کی کوششوں میں اکثر اضافہ دیکھا جاتا ہے۔ شدید برف باری کے سبب پہاڑی درے بند ہونے اور کئی راستوں کے دشوار گزار ہو جانے سے پہلے دہشت گرد وادی میں داخل ہونے کی کوشش کر سکتے ہیں۔

اس مدت کے دوران فوج عام طور پر لائن آف کنٹرول کے حساس حصوں میں نگرانی بڑھانے کے ساتھ ہی علاقے میں گشت اور کنٹرول کی کارروائیاں تیز کر دیتی ہے، تاکہ دراندازی کی کوششوں کو روکا جا سکے۔

یو این آئی