سری نگر: وادی کشمیر میں شبانہ درجہ حرارت نقطہ انجماد سے نیچے ریکارڈ ہونے کے نتیجے میں ٹھٹھرتی سردیوں کا زور تیز تر ہوا ہے جس نے لوگوں کو شدید مشکلات سے دوچار کر دیا ہے۔کشمیر ویدر کے مطابق وادی میں سیاحتی مقام گلمرگ سرد ترین مقام رہا ہے جہاں شبانہ درجہ حرارت منفی8.6 ڈگری سینٹی گریڈ ریکارڈ ہوا ہے جبکہ دوسرے درجے پر ایک اور سیاحتی مقام پہلگام رہا جہاں کم سے کم درجہ حرارت منفی6.8 ڈگری سینٹی گریڈ ریکارڈ ہوا ہے۔
گرمائی دارالحکومت سری نگر میں کم سے کم درجہ حرارت منفی4.0 ڈگری سینٹی گریڈ ریکارڈ ہوا ہے جہاں 28 نومبر کو شبانہ درجہ حرارت منفی 4.5 ڈگری سینٹی گریڈ ریکارڈ ہوکر رواں سیزن کی سرد ترین رات ریکارڈ ہوئی تھی۔
جنوبی کشمیر کے ضلع شوپیاں میں کم سے کم درجہ حرارت منفی 6.0 ڈگری سینٹی گریڈ ریکارڈ ہوا ہے جبکہ اننت ناگ، پلوامہ اور کولگام اضلاع میں شبانہ درجہ حرارت بالترتیب منفی 5.6 ڈگری سینٹی گریڈ، منفی 5.4 ڈگری سینٹی گریڈ اور منفی 0.2 ڈگری سینٹی گریڈ ریکارڈ ہوا ہے۔
سرحدی ضلع کپوارہ میں کم سے کم درجہ حرارت منفی 3.1 ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی3.0 ڈگری سینٹی گریڈ ریکارڈ ہوا ہے۔شمالی کشمیر کے بارہمولہ اور بانڈی پورہ اضلاع میں شبانہ درجہ حرارت بالترتیب منفی 4.0 ڈگری سینٹی گریڈ اور منفی 3.1 ڈگری سینٹی گریڈ ریکارڈ ہوا ہے۔
وسطی کشمیر کے ضلع بڈگام میں کم سے کم درجہ حرارت منفی3.9 ڈگری سینٹی گریڈ ریکارڈ ہوا ہے۔
لداخ یونین ٹریٹری کے ضلع لیہہ میں شبانہ درجہ حرارت منفی 11.2 ڈگری سینٹی گریڈ ریکارڈ ہوا ہے۔محکمہ موسمیات کے مطابقوادی میں 10 جنوری تک شبانہ درجہ حرارت میں مزید گرواٹ ریکارڈ ہونے کا امکان ہے۔انہوں نے کہا کہ مطابق وادی میں 20 جنوری تک موسم میں کسی بڑی تبدیلی کا کوئی امکان نہیں ہے۔
قابل ذکر ہے کہ وادی میں سخت ترین سردیوں کے لئے مشہور چالیس روزہ چلہ کلاں جاری ہے جس کا دورانیہ 21 دسمبر سے شروع ہوا اور 31 جنوری کو اختتام پذیر ہوگا۔
