جموں، : منشیات فروشوں کے خلاف مہم کو وسیع پیمانے پر جاری رکھتے ہوئے جموں پولیس نے ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن بشناہ کی ایک ٹیم نے ایک ناکے کے دوران ایک موٹر سائیکل زیر رجسٹریشن نمبرPB06AG – 0516 پر سوار ایک مشکوک شخص کو روکا۔
انہوں نے کہا کہ تلاشی کے دوران اس کی تحویل سے 19.54 گرام نشہ آور ممنوعہ مواد اور ایک موبائل فون بر آمد کیا گیا۔
ان کا کہنا ہے کہ بر آمد شدہ ممنوعہ مواد اور موٹرسائیکل کو موقع پر ہی ضبط کیا گیا۔ملزم کی شناخت وشال سنگھ ولد بھگوان سنگھ ساکن کوٹھے ہوسیرہ کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن بشناہ میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر140/2025 ایک مقدمہ درج کیا گیا اور مزید تحقیقات شروع کی گئیں۔انہوں نے کہا کہ جموں پولیس معاشرے سے منشیات کے خاتمے کے لئے پر عزم ہے۔
