سری نگر: جموں و کشمیر کے لیفٹیننٹ گورنر منوج سنہا نے جموں وکشمیر کے کسانوں کے لئے پردھان منتری کسان سمان ندھی (پی ایم – کسان) اسکیم کی 21 ویں قسط کی پیشگی واگذاری پر وزیر اعظم نریندر مودی اور مرکزی وزیر برائے زراعت و کسان فلاح و بہبود شیو راج سنگھ چوہان کا شکریہ ادا کیا ہے۔
انہوں نے کہا کہ تقریباً 171 کروڑ روپیے آج جموں و کشمیر کے تقریباً8.55 لاکھ مستحق کسانوں کے بینک کھاتوں میں براہ راست منتقل کئے جائیں گے۔
ان کا کہنا ہے کہ یہ انتہائی ضروری مالی امداد ہمارے کسانوں کو اپنی روزی روٹی بر قرار رکھنے اور زرعی سرگرمیوں کی بحالی کے لئے تیزی سے بہتری لانے میں مدد فراہم کرے گی۔لیفٹیننٹ گورنر نے ان باتوں کا اظہار منگل کو ‘ایکس’ پر اپنے پوسٹوں میں کیا۔
انہوں نے کہا: ‘میں جموں وکشمیر کے کسانوں کے لئے پردھان منتری کسان سمان ندھی (پی ایم –کسان) اسکیم کی 21 ویں قسط کی پیشگی واگذاری پر وزیر اعظم نریندر مودی اور مرکزی وزیر برائے زراعت و کسان فلاح و بہبود شیو راج سنگھ چوہان کا شکریہ ادا کرتا ہوں’۔
ان کا کہنا تھا: ‘ تقریباً 171 کروڑ روپیے آج جموں و کشمیر کے تقریباً8.55 لاکھ مستحق کسانوں کے بینک کھاتوں میں براہ راست منتقل کئے جائیں گے۔ یہ انتہائی ضروری مالی امداد ہمارے کسانوں کو اپنی روزی روٹی بر قرار رکھنے اور زرعی سرگرمیوں کی بحالی کے لئے تیزی سے بہتری لانے میں مدد فراہم کرے گی’۔
منوج سنہا نے کہا: ‘ہمارے کسان معیشت کی ریڑھ کی ہڈی ہیں اور دیگر شعبوں میں ترقی کے لئے ایک مضبوط بنیاد فراہم کرتے ہیں”۔
انہوں نے کہا: ‘مرکزی حکومت ان دہائیوں کی بد ترین سیلابی صورتحال کے اثرات کو کم کرنے کے لئے ہر ممکن مدد فراہم کرنے کے لئے پرعزم ہے اور متاثرہ آبادی کی زندگیوں میں استحاکم یقینی بنانے کے لئے کوشاں ہے’۔
