سری نگر،: وادی کشمیر کو ملک کے ساتھ جوڑنے والی 270 کلو میٹر طویل سری نگر – جموں قومی شاہراہ پر یک طرفہ ٹریفک کی نقل و حمل جاری ہے تاہم آج گاڑیوں کو جموں سے سری نگر آنے کی اجازت ہے۔
ادھر وادی کو جموں صوبے کے ساتھ جوڑنے والے مغل روڈ اور مرکزی زیر انتظام علاقہ لداخ کے ساتھ جوڑنے والی سری نگر – لیہہ شاہراہ ٹریفک حسب ایڈوازئری چل رہا ہے۔
ٹریفک حکام نے بتایا کہ قومی شاہراہ کو تھاڈ کے مقام پر مکمل طور پر بحال نہیں کیا گیا ہے لہذا آج گاڑیوں کو جموں سے سری نگر جانے کی اجازت ہے۔
مسافروں سے کہا گیا ہے کہ وہ قومی شاہراہ پر سفر کرنے کے لئے ایڈوائزری پر من و عن عمل کریں، لین ڈسپلن کے مطابق چلیں اور اوورٹیکنگ کرنے سے اجتناب کریں نیز افواہوں پر کان نہ دھریں۔
حکام نے بتایا کہ سری نگر – لیہہ شاہراہ اور سنتھن روڈ پر ٹریفک کی نقل و حمل حسب ایڈوائزری جاری ہے۔
انہوں نے کہا کہ وادی کو جموں صوبے کے ساتھ جوڑنے والے مغل روڈ پر بھی ٹریفک کی نقل وحمل حسب ایڈوائزری چل رہا ہے لیکن پھلوں سے لدی بڑی گاڑیوں کے شدید دباؤ کی وجہ سے ہرپورہ اور پیر کی گلی کے درمیان ٹریفک کی رفتار سست ہے۔
لوگوں سے کہا گیا ہے کہ وہ سڑکوں کے متعلق تازہ جانکاری حاصل کرنے کے لئے ٹریفک پولیس کے ٹویٹر ہینڈل، فیس بک پیج اور سری نگر، جموں اور رام بن کے ٹریفک کنٹرول یونٹوں کے ساتھ رابطہ کریں۔
