سری نگر،: سری نگر کے شہرہ آفاق ڈل جھیل میں آج یعنی جمعرات کی شام سے تین روزہ کھیلو انڈیا واٹر سپورٹس فیسٹول شروع ہو رہا ہے۔یہ فیسٹول 21 اگست سے شروع ہو کر 23 اگست کو اختتام پذیر ہوگا۔
فیسٹول کی افتتاحی تقریب میں مرکزی وزیر مملکت رکشا کھڈسے، جموں وکشمیر کے لیفٹیننٹ گورنر منوج سنہا اور وزیر اعلیٰ عمر عبداللہ کی شرکت متوقع ہے۔
حکام کے مطابق اس فیسٹول میں ملک بھر کی 28 ریاستوں کی ٹیمیں حصہ لیں گی جو مختلف آبی کھیلوں میں ٹیلنٹ کا مظاہرہ کریں گی۔
انہوں نے کہا کہ اس فیسٹول سے نوجوانوں کی کھیل سرگرمیوں میں شمولیت کو فروغ ملے گا۔
