سری نگر،: جنوبی کشمیر کے ضلع اننت ناگ میں واقع پنجترنی بیس کیمپ سے چھڑی مبارک (بھگوان شیو کی سونے کی چھڑی) سخت سیکورٹی بندو بست کے بیچ ہفتے کو آخری پڑاؤکے لئے پوتر گھپا پہنچی۔حکام نے بتایا کہ پوتر گھپا میں آج پوتر گھپا میں روایتی رسومات ادا کی جائیں گی اور اجتماعی دعا کی جائے گا جس کے ساتھ یہ پوتر یاترا رسمی طور پر اختتام پذیر ہوگی۔
قبل ازیں انہوں نے کہا کہ پنجترنی سے ہفتے کی صبح چھڑی مبارک مہنت دیپندر گری، جو چھڑی مبارک کے متولی ہیں، کی قیادت میں پوتر گھپا کی طرف روانہ ہوئی۔انہوں نے کہا: ‘ ایم آر ٹی، ایس ڈی آر ایف، جے کے اے پی، این ڈی آر ایف، سی آر پی ایف اور آئی ٹی بی پی کی ٹیمیں امرناتھ راستوں کے مختلف مقامات پر تعینات ہیں تاکہ اس سفر کے تحفظ کو یقینی بنایا جا سکے’۔ان کا کہنا ہے کہ آج پوتر گھپا میں روایتی رسومات ادا کی جائیں گی اور اجتماعی دعا کی جائے گا جس کے ساتھ یہ پوتر یاترا رسمی طور پر اختتام پذیر ہوگی۔
قابل ذکر ہے کہ سری نگر کے دشنامی اکھاڑہ مندر سے 4 اگست کو چھڑی مبارک (بھگوان شیو کی سونے کی چھڑی) سخت سیکورٹی بند وبست اور بم بم بولے نعروں کے بیچ پوتر گھپا کے لئے روانہ ہوئی تھی۔
امسال خراب موسمی صورتحال کی وجہ سے یاترا کو قریب ایک ہفتہ قبل ہی روک دیا گیا تھا۔حکام کا کہنا ہے کہ اس کے باوجود بھی امسال 4 لاکھ سے زیادہ یاتری پوتر گھپا کے درشن سے فیضیاب ہوئے۔
جموں وکشمیر کے لیفٹیننٹ گورنر منوج سنہا نے 2 جولائی کو بھگوتی نگر بیس کیمپ سے یاترا کے پہلے قافلے کو کشمیر کے لئے روانہ کیا تھا۔سال گذشتہ 5 لاکھ سے زیادہ یاتریوں نے یہ پوتر یاترا انجام دی تھی۔
یو این آئی
