EN
جمعہ, مئی ۳۰, ۲۰۲۵
13.6 C
Srinagar
EPAPER
ENGLISH
type here...
اداریہتازہ ترینکشمیر
Less than 1 min.Read

پردھان منتری فصل بیمہ یوجنا کے نفاذ کی صورتحال واضح ہو: محمد یوسف تاریگامی

ایشین میل
By ایشین میل
سری نگر: سی پی آئی (ایم) کے سینئر لیڈر اور رکن اسمبلی محمد یوسف تاریگامی نے سیب، چیری، اخروٹ جیسی فصلوں پر حالیہ ناساز گار موسمی حالات سے پڑنے والے منفی اثرات پر تشویش کا اظہار کیا ہے اور یہ مطالبہ کیا ہے کہ جموں و کشمیر میں پردھان منتری فصل بیمہ یوجنا کے نفاذ کی صورتحال واضح ہونی چاہئے۔انہوں نے حکومت سے کہا کہ وہ ان فصلوں کے بارے میں وضاحت کرے جو اسکیم کے تحت آتے ہیں۔

موصوف لیڈر نے ان باتوں کا اظہار بدھ کے روز یہاں ایک پریس کانفرنس سے خطاب کے دوران کیا۔انہوں نے کہا: ‘گذشتہ کئی دنوں سے ناساز گار موسمی صورتحال جیسے تیز ہوائیں چلنے، تیز بارشیں ہونے اور شدید ژالہ باری ہونے سے فصلوں خاص کر میوہ فصل سیب وغیرہ پر بہت ہی منفی اثرات پڑ گئے ہیں، ہمارے پاس آنسوئوں کے سوا کچھ بچا نہیں ہے’۔ان کا کہنا ہے: ‘اگر ہم روز مرہ کے معاملات کو نظر انداز کریں گے تو سیاست بے معنی سی چیز رہ جاتی ہے’۔انہوں نے کہا: ‘ہماری دستکاری کا حال پہلے ہی ٹھیک نہیں تھا، پھر ہماری سیاحت کو دھچکا لگ گیا، اور اب ہماری زراعت خاص کر میوہ صنعت جو کشمیر کی معیشت کے لئے شہہ رگ کی حیثیت رکھتی ہے، خراب موسمی صورتحال کی نذر ہو رہی ہے’۔

مسٹر تاریگامی نے کہا: ‘سال 2015 – 2016 میں مرکزی حکومت نے پردھان منتری فصل بیما یوجنا اسکیم متعارف کی تھی جس کو سال 2016 – 2017 میں یہاں بھی لاگو کیا گیا تھا اس میں مرکزی حکومت کا 90 فیصد شیئر تھا جبکہ ریاست اور کاشتکاروں کا 2 فیصد تھا، تین ایجنسیوں کو اس کا ٹھیکہ بھی دیا گیا تھا اور ان کی خدمات بھی حاصل کی گئی تھیں’۔انہوں نے کہا: ‘لیکن آج تک ہمیں معلوم نہیں ہے کہ جموں وکشمیر خاص کر کشمیر میں اس اسکیم کی صورتحال کیا ہے، کیا ہمارے فروٹ جیسے سیب، چیری، اخروٹ اس اسکیم کے دائرے میں آتے ہیں یا نہیں’۔انہوں نے کہا کہ ہم اس اسکیم کی صورتحال کو جاننا چاہتے ہیں جو سرکار کی ذمہ داری ہے۔ان کا کہنا تھا کہ موجوہ سرکار کو اس سیکٹر کو ترجیحی بنیادوں پر لینا چاہئے اور اس میں پہل کرکے اور وسائل کا انتظام کرکے متاثرین کے لئے معقول معاوضے کو یقینی بنانا چاہئے۔رکن اسمبلی نے تمام سیاسی جماعتوں سے اپیل کی کہ وہ بھی اس ضمن میں اقدام کریں تاکہ ماتثرین کی بھر پور اور بر وقت مدد کو یقینی بنایا جا سکے۔

Popular Categories

تازہ ترینکشمیرانڈیاجموںاہم خبر۔بین الاقوامیاداریہ
spot_imgspot_img
گزشتہ مضمون
پہلگام کے بعد عمر عبداللہ گلمرگ میں کابینی میٹنگ کی صدارت کریں گے
اگلا مضمون
انٹر سروسز آرگنائزیشن (کمانڈ، کنٹرول اور ڈسپلن) ایکٹ کے ضوابط کا نوٹیفکیشن جاری

روزنامہ ایشین میل جموں وکشمیر سے شائع ہونے والا دو لسانی اخبار ہے ۔ایشین میل کا روزنامہ اخبار گزشتہ دو دہائیوں سے سرینگر سے شائع ہورہا ہے ۔اس کے علاوہ اس ادارے کا ایشین میلکمیو نیکیشنز کے نام سے ڈیجیٹل پلیٹ فارم بھی ہے

روزنامہ ایشین میل ،راتھر کیمپلیکس راج باغ سرینگر

نیوز لیٹر

©Asian Mail - Designed by Gabfire.