EN
اتوار, دسمبر ۸, ۲۰۲۴
3.2 C
Srinagar
EPAPER
ENGLISH
type here...
۔برصغیرتازہ ترین
Less than 1 min.Read

پاکستان : کرم میں تازہ جھڑپ میں مزید 7 افراد جاں بحق

ایشین میل
By ایشین میل
اسلام آباد، 30 نومبر (یواین آئی) کرم ایجنسی میں فریقین کے درمیان جنگ بندی معاہدے کے ذریعے دشمنی روکنے کی تمام کوششیں ناکام ہوگئیں اور تازہ جھڑپ میں مزید 7 افراد جاں بحق ہوگئے جس سے اموات کی تعداد 100 کے قریب پہنچ گئی۔
ڈان اخبار کی رپورٹ کے مطابق حکام نے ڈان کو بتایا کہ جمعے کو ہونے والی تازہ جھڑپوں میں مزید 7 افراد جان کی بازی ہارگئے جس کے بعد ہلاکتوں کی تعداد 97 ہو گئی ہے۔
بگان، تالو کنج، بادشاہ کوٹ، عرفانی کلے جلامی اور چدریوال کے علاقوں سے تعلق رکھنے والے قبائل کے درمیان جھڑپیں جاری رہیں، حکام کے مطابق ان جھڑپوں میں ایک عسکریت پسند تنظیم کے ایک سرکردہ کمانڈر کا قریبی ساتھی اسحاق حسین مارا گیا۔
ایک روز قبل ضلع کے بالائی اور نچلے حصوں میں وقفے وقفے سے فائرنگ کا سلسلہ جاری تھا جس میں 12 افراد ہلاک اور 18 زخمی ہوگئے تھے جس سے ہلاکتوں کی تعداد 90 ہوگئی تھی۔
دوسری جانب امن عمل میں ثالثی کے لیے کام کرنے والے جرگے نے ابھی تک ضلع کا دورہ نہیں کیا تاہم کرم کے ڈپٹی کمشنر نے کہا کہ یہ دورہ جلد ہوگا۔
یاد رہے کہ کرم ایجنسی میں حالیہ مسلح تصادم کا آغاز گزشتہ ہفتے لوئر کرم میں گاڑیوں کے ایک قافلے پر حملے کے بعد ہوا تھا، اس حملے میں 40 سے زائد افراد جاں بحق ہوگئے تھے، بعد ازاں مقامی انتظامیہ اور قبائلی عمائدین کے کردار ادا کرنے کے بعد متحارب فریقین کے درمیان جنگ بندی معاہدہ ہوگیا تھا۔

Popular Categories

تازہ ترینکشمیرانڈیااہم خبرجموں۔بین الاقوامیاداریہ
spot_imgspot_img
گزشتہ مضمون
کمبوڈین سینیٹ کے صدرچین کا دورہ کریں گے
اگلا مضمون
سری نگر کے بٹہ مالو اور ایچ ایم ٹی میں پولیس کے چھاپے

Asian Mial

About

Headlines

Newsletter

©Asian Mail - Designed by Gabfire.