غزہ میں اسرائیلی فضائی حملے میں 25 فلسطینیوں کی موت

غزہ میں اسرائیلی فضائی حملے میں 25 فلسطینیوں کی موت

غزہ،: جنوبی غزہ کے خان یونس شہر میں ایک اسکول کو نشانہ بناکر کئے گئے اسرائیلی فضائی حملے میں کم از کم 25 فلسطینی ہلاک اور کچھ دیگر زخمی ہوگئے  یہ اطلاع فلسطینی ذرائع نے منگل کو دی سیکورٹی ذرائع نے ژنہوا کو بتایا کہ اسرائیلی طیاروں نے خان یونس کے مشرق میں اباسان الکبیرہ قصبے میں العودہ اسکول کے گیٹ کو میزائلوں سے نشانہ بنایا، جس میں سینکڑوں بے گھر افراد رہتے ہیں فلسطینی کارکنوں کی جانب سے سوشل میڈیا پلیٹ فارم فیس بک پر شیئر کی گئی ویڈیوز میں درجنوں لاشیں زمین پر خون میں لت پت پڑی دکھائی دے رہی ہیں۔

طبی ذرائع نے بتایا کہ اسرائیلی فضائی حملوں میں خواتین اور بچوں سمیت کم از کم 25 افراد ہلاک اور درجنوں زخمی ہوئے۔ ذرائع نے ژنہوا کو بتایا کہ علاقے میں زیادہ بھیڑ ہونے کی وجہ سے متاثرین کی تعداد میں اضافے کا خدشہ ہے۔

اسرائیل کی دفاعی افواج (آئی ڈی ایف) نے بدھ کو ایک بیان میں کہا کہ سٹیک ہتھیاروں کا استعمال کرتے ہوئے، اسرائیلی فضائیہ نے حماس کے عسکری ونگ کے ایک دہشت گرد کو ہلاک کر دیا جو گزشتہ سال جنوبی اسرائیل میں حماس کی شورش میں ملوث تھا۔

آئی ڈی ایف ان رپورٹس کی تحقیقات کر رہا ہے کہ حملے کی جگہ کے قریب واقع العودہ اسکول کے قریب شہریوں کو نقصان پہنچا ہے۔حماس کے زیر انتظام صحت افسران نے منگل کو بتایا کہ فلسطین اسرائیل تنازعہ میں اب تک غزہ میں ہلاک ہونے والے فلسطینیوں کی کل تعداد 38243 ہو گئی ہے۔

یو این آئی

Leave a Reply

Your email address will not be published.