جلگاوں کے یاول کے پاس پپیتے سے بھرا ٹرک پلٹ گیا ، جس کی وجہ سے یہ حادثہ پیش آیا ۔ پپیتے سے بھرا ٹرک دھولے سے راویل کی جانب جارہا تھا ۔ حادثہ کی وجوہات کا ابھی تک پتہ نہیں چل سکا ہے ۔
مہاراشٹر کے جلگاوں میں پیر کی صبح ایک دردناک سڑک حادثہ پیش آیا ، جس میں 15 مزدوروں کی موت ہوگئی ۔ خبر ہے کہ جلگاوں کے یاول کے پاس پپیتے سے بھرا ٹرک پلٹ گیا ، جس کی وجہ سے یہ حادثہ پیش آیا ۔ پپیتے سے بھرا ٹرک دھولے سے راویل کی جانب جارہا تھا ۔ حادثہ کی اطلاع ملتے ہی جائے واقعہ پر پہنچی پولیس نے لاشوں کو باہر نکالنے کا کام شروع کردیا ہے ۔ حادثہ کی وجوہات کا ابھی تک پتہ نہیں چل سکا ہے ۔
اطلاعات کے مطابق جلگاوں میں پیر کی صبح پپیتے سے بھرا ٹرک راویل کی جانب جارہا تھا ۔ ابھی ٹرک یاول کے پاس پہنچا ہی تھا کہ بے قابو ہوکر پلٹ گیا ۔ ٹرک پلٹتے ہی تیز شور کی آواز سن کر آس پاس کے لوگ مدد کیلئے دوڑ پڑے ۔
عینی شاہدین کے مطابق ٹرک میں کچھ مزدور بھی بیٹھے ہوئے تھے ۔ حادثہ اتنا بھیانک تھا کہ ٹرک میں موجود سبھی 15 مزدوروں کی جائے واقعہ پر ہی موت ہوگئی ۔ حادثہ کی اطلاع ملتے ہی جائے واقعہ پر پہنچی پولیس نے مقامی لوگوں کی مدد سے مزدوروں کو ٹرک سے باہر نکالا ۔
ابتدائی جانچ سے پتہ چلا ہے کہ ٹرک کے ڈرائیور کو نیند کی جھپکی آگئی تھی ، جس کی وجہ سے یہ حادثہ پیش آگیا ۔ پولیس نے سبھی لاشوں کو قبضہ میں لے کر پوسٹ مارٹم کیلئے بھیج دیا ہے ۔
