ہندوستان میں گزشتہ 24 گھنٹوں کے دوران کورونا وائرس کے 50209 نئے مریضوں کی تشخیص کی گئی، اس کے ساتھ ہی ملک میں کورونا سے متاثرہ مریضوں کی مجموعی تعداد 83 لاکھ 64 ہزار 86 ہو گئی۔ گزشتہ 24 گھنٹوں کے دوران 55331 مریضوں نے شفایابی حاصل کر لی، جس کے بعد فعال معاملہ کی مجموعی تعداد 527962 رہ گئی۔ اب تک مجموعی طور پر 7711809 مریض شفایاب ہو چکے ہیں۔
دریں اثنا، 704 افراد کی جان چلی گئی، جس کے بعد کورونا کی اس مہلک وبا کے سبب فوت ہونے والے افراد کی مجموعی تعداد 124315 ہو گئی۔
