مشہور اداکار سیف علی خان کے بیٹے ابراہیم علی خان بھی اب بالی ووڈ میں اپنے کریئرکا آغاز کرنے جا رہے ہیں۔ سیف علی خان امریتا سنگھ کی بیٹی سارہ علی خان نے گزشتہ سال بالی ووڈ میں اپنے کریئر کی شروعات کی تھی ۔ سارہ نے کیدارناتھ اور سمبا جیسی سپرہٹ فلموں میں کام کرنے کے بعد اپنی شناخت بنائی ہے۔

اب ایسی خبریں ہیں کہ سارہ کے بعد سیف کے بیٹے ابراہیم بھی بالی ووڈ میں قدم رکھنے والے ہیں۔ ابراہیم نے اپنے والد سیف پر یہ واضح کردیا ہے کہ وہ بہن سارہ کی طرح بطور اداکار کام کرنا چاہتے ہیں۔

بتایا جارہا ہے کہ بیٹے ابراہیم کےلئے سیف نے فلم پروڈیوز کرنے کا دورہ کیا ہے۔ ابراہیم کو کیمرے کے لئے تیار کرنے کےلئے خاص تیاری چل رہی ہے۔