سری نگر، 2 ستمبر: جنوبی کشمیر کے ضلع اننت ناگ کے مٹن علاقے میں کے پی روڈ پر بومزو مزار کے قریب بدھ کے روز ایک سیاحتی گاڑی پہاڑی سے اچانک لڑھک کر آنے والے ایک بھاری پتھر کی زد میں آ گئی۔
چھ سیاحوں کو لے جانے والی انووا گاڑی، جس کا رجسٹریشن نمبر JK01AT-8081 ہے، پہلگام سے اننت ناگ کی جانب جا رہی تھی کہ اسی دوران پہاڑی سے لڑھکا ہوا پتھر گاڑی سے ٹکرا گیا۔
اس حادثے میں ایک سیاح، جس کی شناخت 55 سالہ آر۔ ہمانسو پرساد راؤ، ساکن ضلع گنجام، اوڈیسہ کے طور پر ہوئی ہے، شدید زخمی ہو گیا۔
زخمی سیاح کو فوری طور پر علاج کے لیے گورنمنٹ میڈیکل کالج (GMC) اننت ناگ منتقل کیا گیا۔
بتایا جا رہا ہے کہ سیاح کی حالت تشویشناک ہے۔ [کے این ٹی]
