گاندربل،: مرکزی وزیر برائے سڑک ٹرانسپورٹ و شاہراہیں نتن گڈکری نے منگل کے روز زو جیلا ٹنل کی آخری چٹان کے علامتی کھدائی کے عمل کو مکمل کیا۔ اس موقع پر جموں و کشمیر کے لیفٹیننٹ گورنر منوج سنہا اور وزیر اعلیٰ عمر عبداللہ بھی موجود تھے۔
یہ پیش رفت 13.15 کلومیٹر طویل زو جیلا ٹنل کی تعمیر میں ایک اہم سنگ میل کی حیثیت رکھتی ہے، جو مکمل ہونے کے بعد ایشیا کی سب سے طویل دو طرفہ سڑک سرنگ ہوگی۔
یہ منصوبہ کشمیر اور لداخ کے درمیان ہر موسم میں رابطے کو یقینی بنانے کے ساتھ ساتھ خطے میں ٹرانسپورٹ، سیاحت اور معاشی سرگرمیوں کو بھی فروغ دے گا۔
