جموں، 11 نومبر: لیفٹیننٹ گورنر منوج سنہا نے 8 نومبر کو جموں کے ویئر ہاؤس، نہرو مارکیٹ میں پیش آنے والے ہولناک آتشزدگی کے واقعے کی تحقیقات کے لیے ایک اعلیٰ سطحی انکوائری کمیٹی تشکیل دی ہے۔ کمیٹی کو ہدایت دی گئی ہے کہ وہ ممکنہ کوتاہیوں یا لاپرواہی کا جائزہ لے اور 15 دن کے اندر ذمہ داری کا تعین کرے۔
لیفٹیننٹ گورنر کے دفتر کی جانب سے جاری کردہ ایک بیان کے مطابق، کمیٹی میں انسپکٹر جنرل آف پولیس جموں تیجندر سنگھ اور ڈویژنل کمشنر جموں وکاس کنڈل شامل ہیں۔
کمیٹی کو یہ ذمہ داری سونپی گئی ہے کہ وہ آگ لگنے کی وجوہات اور حالات کا پتہ لگائے، واقعے سے متعلق کسی بھی قسم کی کوتاہی یا لاپرواہی کی تحقیقات کرے اور اگر کوئی ذمہ دار پایا جاتا ہے تو اس کی نشاندہی کرے۔
کمیٹی کو اپنی تحقیقاتی رپورٹ 15 دن کے اندر پیش کرنے کی ہدایت دی گئی ہے۔یہ تحقیقات ویئر ہاؤس، نہرو مارکیٹ کے تجارتی علاقے میں پیش آنے والے بڑے آتشزدگی کے واقعے کے بعد شروع کی گئی ہیں، جس کے نتیجے میں تاجروں کو بھاری مالی نقصان اٹھانا پڑا اور ہنگامی امدادی کارروائیوں اور آگ بجھانے کے انتظامات پر بھی کئی سوالات اٹھے۔
توقع ہے کہ انکوائری کے دوران واقعے سے جڑے تمام حالات کا جائزہ لیا جائے گا اور یہ معلوم کیا جائے گا کہ آیا کسی قسم کی لاپرواہی یا انتظامی کوتاہی نے نقصان کی شدت میں اضافہ کیا۔
کے این ٹی
