جموں: منشیات اسمگلنگ کے خلاف مہم کو وسیع پیمانے پر جاری رکھتے ہوئے اودھم پور پولیس نے ایک اور منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن اودھم پور کی ایک ٹیم نے روون ڈومیال میں دودھر برج کے نزدیک
ایک مشتبہ شخص کو روکا جو منوال سے اودھم پور کی طرف آ رہا تھا۔
انہوں نے کہا کہ تلاشی کے دوران اس کے قبضے سے 5.74 گرام ہیروئن بر آمد کیا گیا جس کے بعد اس کو بر سر موقع ہی گرفتار کیا گیا۔
ملزم کی شناخت بھوپش پاگترا عرف ویشو ولد اوم پرکاش ساکن کلر اودھم پور کے طور پر کی گئی ہے۔پولیس ترجمان نے بتایا کہ اس ضمن میں پولیس اسٹیشن اودھم پور میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر 24/2026 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ اودھم پور پولیس معاشرے سے منشیات کی بیخ کنی کو یقینی بنانے کے لئے پر عزم ہے۔
