جموں: منشیات اسمگلروں کے خلاف کریک ڈاؤن کو جاری رکھتے ہوئے اودھم پور پولیس نے الگ الگ کارروائیوں کے دوران دو منشیات فروشوں کو گرفتار کرکے ان کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ ایک پولیس ٹیم نے جکھانی نالے پر ناکے کے دوران ایک سوئفٹ گاڑی زیر رجسٹریشن نمبر JK02AH – 5207 کو روکا جو اودھم پور سے چننی کی طرف جا رہی تھی۔
انہوں نے کہا کہ تلاشی کے دوران ڈرائیور کی تحریل سے6.09 گرام ہیروئن جیسا مواد بر آمد کیا گیا جس کے بعد اس کو بر سر موقع ہی گرفتار کیا گیا۔ملزم کی شناخت محمد رفیق ولد عبد الغنی ساکن لٹی دھونہ اودھم پور کے طور پر کی گئی ہے۔
پولیس ترجمان نے بتایا کہ اس ضمن میں پولیس اسٹیشن اودھم پور میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر 422/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ اسی نوعیت کے ایک اور واقعے میں ایک پولیس پارٹی نے ریہام بل میں قومی شاہراہ پر ایک معمول کے ناکے پر رجسٹریشن نمبر پلیٹ کے بغیر ایک آلٹو کے 10 گاڑی کو روکا جو جموں سے اودھم پور کی طرف آ رہی تھی۔ان کا کہنا ہے کہ تلاشی کے دوران گاڑی میں سوار ایک شخص کی تحویل سے 7.11 گرام ہیروئن جیسا ممنوعہ مواد بر آمد کیا گیا جس کے بعد اس کو موقع پر ہی گرفتار کیا گیا۔
ملزم کی شناخت نافی نثار ولد نثار احمد شیخ ساکن آری پورہ لسجن سری نگر کے طور پر ہوئی ہے۔ انہوں نے کہا کہ اس ضمن میں پولیس اسٹیشن ریہام بل میں این ڈی پی ایس ایکٹ کے متعلقہ دفعات کے تحت زیر ایف آئی آر نمبر212/2025 ایک مقدمہ درج کیا گیا اور مزید تحقیقات شروع کی گئیں۔
