جموں: منشیات کے خلاف کریک ڈائون کو جاری رکھتے ہوئے جموں و کشمیر پولیس نے ضلع اودھم پور میں الگ الگ کارروائیوں کے دوران دو منشیات فروشوں کو گرفتار کرکے ان کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن مجالتہ کی ایک ٹیم نے باتل میں معمول کے ناکے کے دوران ایک سکوٹی زیر رجسٹریشن نمبرJK14J – 5544 کو روکا جو منوال سے باتل کی طرف جا رہی تھی۔
انہوں نے کہا کہ تلاشی کے دوران سکوٹی ڈرائیور کی تحویل سے 5.69 گرام ہیروئن بر آمد کیا گیا جس کے بعد اس کو موقع پر ہی گرفتار کیا گیا۔ملزم کی شناخت محمد شریف ولد مرزا خان ساکن دامہ مجالتہ کے طور پر کی گئی۔
ان کا کہنا ہے کہ اس ضمن میں پولیس اسٹیشن مجالتہ میں این ڈی پی ایس ایکٹ کے تحت زیر ایف آئی آر نمبر84/2025 درج کیا گیا اور مزید تحقیقات شروع کی گئیں۔
پولیس ترجمان نے بتایا کہ اسی نوعیت کے ایک اور واقعے میں ایک پولیس ٹیم نے مجالتہ موڈ پر ایک شخص کو روکا جو پیدل چل رہا تھا۔
انہوں نے کہا کہ تلاشی کے دوران اس کی تحویل سے 5 گرام ہیروئن بر آمد کیا گیا جس کے بعد اس کو بر سر موقع ہی گرفتار کیا گیا۔
ملزم کی شناخت غفور علی ولد محمد صادق ساکن دامہ مجالتہ کے طور پر کی گئی۔
ان کا کہنا ہے کہ اس ضمن میں پولیس اسٹیشن مجالتہ میں این ڈی پی ایس ایکٹ کے تحت زیر ایف آئی آر نمبر85/2025 درج کیا گیا اور مزید تحقیقات شروع کی گئیں۔
