جموں: منشیات کے خلاف کریک ڈائون کو جاری رکھتے ہوئے پولیس نے ضلع اودھم پور میں ایک بین ریاستی منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں بتایا کہ پولیس اسٹیشن اودھم پور کی ایک ٹیم نے جکھانی علاقے میں ایک ناکہ لگا دیا اور اس دوران ایک شخص کو روکا گیا۔
انہوں نے کہا کہ تلاشی کے دوران اس کی تحویل سے6.61 گرام ہیروئن جیسا ممنوعہ مواد بر آمد کیا گیا جس کے بعد اس کی بر سر موقع ہی گرفتاری عمل میں لائی گئی۔
گرفتار شدہ کی شناخت شمیم حسن ولد محمد علی ساکن گنگل ٹک ڈسکٹ ضلع لیہہ کے طور پر ہوئی ہے۔
پولیس ترجمان نے بتایا کہ اس سلسلے میں پولیس اسٹیشن اودھم پور میں این ڈی پی ایس ایکٹ کے تحت زیر ایف آئی آر نمبر351/2025 ایک مقدمہ درج کیا گیا اور مزید تحقیقات شروع کی گئیں۔
انہوں نے کہا کہ اودھم پور پولیس منشیات کے خاتمے کو یقینی بنانے کے لئے پر عزم ہے۔
