جموں: منشیات کے خلاف کریک ڈائن کو وسیع پیمانے پر جاری رکھتے ہوئے جموں وکشمیر پولیس نے جموں کے بشناہ علاقے میں ایک منشیات فروش کو گرفتار کرکے اس کی تحویل سے ہیروئن جیسا ممنوعہ مواد بر آمد کیا ہے۔
ایک پولیس ترجمان نے اپنے ایک بیان میں کہا کہ پولیس اسٹیشن بشناہ کی ایک ٹیم نے ڈیولی بشناہ میں ایک شخص کو روکا۔
انہوں نے کہا کہ تلاشی کے دوران اس کی تحویل سے 11.97 گرام ہیروئن جیسا ممنوعہ مواد بر آمد کیا گیا جس کے بعد اس کی گرفتاری عمل میں لائی گئی۔
گرفتار شدہ کی شناخت سچن چودھری عرف سجو ولد حکومت راج ساکن مورچا پور کیمپ بشناہ کے طور پر کی گئی ہے۔
بیان میں کہا گیا کہ اس ضمن میں پولیس اسٹیشن بشناہ میں این ڈی پی ایس ایکٹ کے تحت ایک مقدمہ زیر ایف آئی آر نمبر96/2025 درج کیا گیا اور مزید تحقیقات شروع کی گئیں۔
جموں پولیس نے لوگوں سے منشیات کے پھیلائو کو روکنے کے لئے تعاون کرنے کی اپیل کی ہے۔
انہوں نے کہا کہ پولیس معاشرے سے منشیات کی بیخ کنی کو یقینی بنانے کے لئے پر عزم ہے۔
