سری نگر، 09 ستمبر: وزیر اعلیٰ عمر عبداللہ نے آج کولگام میں دہشت گردوں کے ساتھ جھڑپ کے دوران جاں بحق ہونے والے بہادر سپاہیوں کو گلہائے عقیدت پیش کیے اور ان کی عظیم قربانی کو سلام پیش کیا۔
وزیر اعلیٰ نے شہادتوں پر گہرے دکھ اور افسوس کا اظہار کرتے ہوئے کہا کہ مادرِ وطن کے لیے جان کا نذرانہ پیش کرنے والے ان سپاہیوں کی بے مثال جرأت، عزم و استقلال اور قربانی کو قوم ہمیشہ عقیدت و احترام کے ساتھ یاد رکھے گی۔
انہوں نے اس عزم کا اعادہ کیا کہ حکومت شہداء کے اہل خانہ کی فلاح و بہبود کے لیے اپنی بھرپور کوششیں جاری رکھے گی اور ہر ممکن مدد فراہم کی جائے گی۔
