نئی دہلی: ملک کے مختلف حصوں میں گزشتہ 24 گھنٹوں کے دوران کورونا وائرس کے 306 نئے معاملے سامنے آئے ہیں اور اس کے بعد اس انفیکشن کے ایکٹیو کیسز کی تعداد بڑھ کر 7,121 ہو گئی ہے۔
صحت اور خاندانی بہبود کی مرکزی وزارت کی جانب سے بدھ کو جاری کردہ اعداد و شمار کے مطابق، اس دوران کووڈ-19 سے چھ مریضوں کی موت ہوئی۔ اس انفیکشن کی وجہ سے کیرالہ میں تین، کرناٹک میں دو اور مہاراشٹر میں ایک مریض کی موت ہو گئی۔
محکمہ صحت کے افسران کے مطابق، کیسز میں اضافہ اس انفیکشن کی نئی ابھرتی ہوئے ویریئنٹ، خاص طور پر ایل ایف.7، ایکس ایف جی، جے این.1 اور حال ہی میں شناخت شدہ این بی.1.8.1 ذیلی ویریئنٹ کی وجہ سے ہے۔ ان ویریئنٹ کی جانچ چل رہی ہے۔ ابتدائی رجحانات انفیکشن کے بڑھتے ہوئے امکان کی طرف اشارہ کرتے ہیں، حالانکہ اس سطح پر اسپتال میں داخل ہونے کی شرح نسبتاً کم ہے۔
کیرالہ میں کووڈ 19 کے سب سے زیادہ فعال کیس رپورٹ ہو رہے ہیں۔ ریاست میں اس وقت کل 2,223 مریض زیر علاج ہیں۔ ریاست میں گزشتہ 24 گھنٹوں کے دوران سب سے زیادہ 170 نئے کیسز درج ہوئے ہیں۔ گجرات میں انفیکشن کے 114 نئے کیس رپورٹ ہوئے ہیں، جس سے ریاست میں فعال کیسوں کی کل تعداد 1,223 ہوگئی ہے۔ دہلی کے ایکٹو کیسز بڑھ کر 757 ہو گئے ہیں۔ سرکاری افسران اور ماہرین صحت نے کووڈ سے متعلق ہدایات پر عمل کرنے کی اپیل کی ہے۔ اس میں ماسک پہننا، بار بار ہاتھ دھونا اور ہجوم والے انڈور جگہوں سے گریز کرنا شامل ہے، خاص طور پر ان علاقوں میں جہاں کیسز بڑھ رہے ہیں۔ نیز، موسمی وائرل بخار کے پھیلنے کے ساتھ، صحت کے پیشہ ور افراد نے کووڈ 19 کو دوسرے انفیکشن سے الگ کرنے کی ضرورت پر زور دیا ہے۔
