دوحہ: یمن کے دارالحکومت صنعا کے مرکز میں ایک بازار اور رہائشی علاقے پر امریکی فضائی حملوں میں کم از کم 12 افراد ہلاک اور 30 دیگر زخمی ہوگئےشیعہ تحریک انصار اللہ (حوثی) کی وزارت صحت نے یہ اطلاع دی۔
یمن کے المسیرہ براڈکاسٹر کی رپورٹ کے مطابق وزارت نے ایک بیان میں کہا، "ابتدائی اعداد و شمار کے مطابق، بازار اور فروا ضلع کے خلاف امریکی جارحیت کے نتیجے میں مرنے والوں کی تعداد 12 تک پہنچ گئی ہے، اور دیگر 30 افراد زخمی ہوئے ہیں۔”
وزارت کے مطابق ایمبولینس اور شہری دفاع کی ٹیمیں حملوں سے تباہ ہونے والے مکانات کے ملبے تلے دبے متاثرین کی تلاش جاری رکھے ہوئے ہیں۔
اس سے قبل امریکی طیاروں نے یمن کی مغربی گورنریٹ الحدیدہ میں راس عیسیٰ آئل پورٹ پر حملہ کیا تھا جس کے نتیجے میں 80 افراد ہلاک اور 150 سے زائد زخمی ہوئے تھے جن میں زیادہ تر بندرگاہ کے کارکن اور ڈاک کے ملازمین تھے۔
یو این آئی
