ریڈ-2 میں رتیش دیش مکھ ولن کا کردار ادا کریں گے

ممبئی: بالی ووڈ اداکار رتیش دیش مکھ اپنی آنے والی فلم ریڈ-2 میں ولن کا کردار ادا کرتے نظر آئیں گے۔ اجے دیوگن اس فلم میں مرکزی کردار ادا کر رہے ہیں۔ سال 2018 میں ریلیز ہونے والی فلم ریڈ باکس آفس پر بلاک بسٹر ثابت ہوئی۔
فلم ریڈ 2 کو لے کر مداحوں میںکافی جوش و خروش پایا جاتا ہے۔ اجے دیوگن نے انکشاف کر دیا ہے کہ ریڈ2 میں ولن کون بنے گا۔ رتیش دیش مکھ اس فلم میں ولن کا کردار ادا کرہے ہیں ۔اس فلم سے ان کی پہلی جھلک سامنے آ گئی ہے۔ اس فلم میں رتیش کے کردار کا نام دادا بھائی ہے جو ایک سیاست دان ہیں۔
اجے دیوگن نے اپنے انسٹاگرام پر رتیش دیش مکھ کا پہلا لک پوسٹر شیئر کیا ہے۔ پوسٹر شیئر کرتے ہوئے انہوں نے لکھا – دادا بھائی قانون پر منحصر نہیں ہیں، وہ قانون کے ماہر ہیں۔ یکم مئی کو اپنے قریب کے تھیئٹرز میں ریڈ2دیکھیں۔اجے دیوگن اور رتیش دیش مکھ کے علاوہ وانی کپور بھی فلم ریڈ2 میں نظر آئیں گی۔