اسکولوں میں دوپہر کے کھانے کے ساتھ ساتھ مناسب سہولیات بھی ہونی چاہئیں

نئی ​​دہلی: اسکولوں میں بچوں کو فراہم کیے جانے والے دوپہر کے کھانے کو مزید کارآمد بنانے اور ان کے لیے تعلیمی سہولیات کو بہتر بنانے کے معاملے کو اٹھاتے ہوئے کہا گیا ہے کہ طلباء کو مڈ ڈے میل کے ساتھ ساتھ تعلیم کی سہولیات بھی فراہم کی جانی چاہئیں۔
ترنمول کانگریس کی شتابدی رائے نے لوک سبھا میں وقفہ صفر کے دوران یہ مسئلہ اٹھاتے ہوئے کہا کہ ان کے پارلیمانی حلقہ میں ایک سینٹرل اسکول میں مناسب سہولیات نہیں ہیں۔ انہوں نے کہا کہ بچے صرف مڈ ڈے میل کے لیے اسکول آتے ہیں یہ کافی نہیں ہے بلکہ انھیں پڑھایا بھی جانا چاہیے۔ اس اسکول میں صرف ایک ٹیچر ہے اور کوئی نہیں پوچھتا کہ وہ اسکول آتا ہے یا نہیں۔
انہوں نے کہا کہ بچوں کی ہمہ گیر نشوونما کے لیے ا سکولوں میں مڈ ڈے میل کے علاوہ مناسب سہولیات فراہم کی جانی چاہئیں۔ اساتذہ کو ایسے اسکولوں میں بھیجا جانا چاہئے جہاں اساتذہ کی کمی ہو اور بچوں کی تعلیم کا مناسب انتظام کیا جانا چاہئے۔ ان کے پارلیمانی حلقے کے اسکولوں میں اساتذہ کی کمی کا مسئلہ حل کیا جانا چاہئے اور اساتذہ کی موجودگی پر نظر رکھی جانی چاہئے۔
مادری زبان کا مسئلہ اٹھاتے ہوئے انہوں نے کہا کہ ہندی کے ساتھ بنگلہ زبان کے مطالعہ پر بھی توجہ دی جانی چاہئے۔ بہت سے اساتذہ کو بنگلہ نہیں آتاجس کی وجہ سے بچوں کو پڑھنا مشکل ہو جاتا ہے اور وہ اپنی زبان میں بات چیت نہیں کر پاتے۔