عالمی یوم آب: عمر عبداللہ کا آبی وسائل کے تحفظ کو یقینی بنانے کی ضرورت پر زور

سری نگر:وزیر اعلیٰ عمر عبداللہ نے پانی کے عالمی دن کے موقع پر آبی وسائل کے تحفظ کو یقینی بنانے کی ضرورت پر زور دیا ہے۔
انہوں نے کہا: ‘بحیثت لیڈر، ہم سب کی ذمہ داری ہے کہ پانی کے اہم وسائل کی حفاظت کریں’۔
واضح رہے کہ 22 مارچ کو دنیا بھر میں عالمی یوم آب کے طور پر منایا جاتا ہے۔ اس دن کے منانے کا مقصد پانی کی اہمیت کو اجاگر کرکے آبی وسائل کے تحفظ کو یقینی بنانا ہے۔
عمر عبداللہ نے اس دن کی مناسبت سے ہفتے کو اپنے دفتر کے ‘ایکس’ ہینڈل پر ایک پوسٹ میں کہا: ‘اس عالمی یوم آب پر آئیے یہ یاد رکھیں کہ پانی کا ایک ایک قطرہ قیمتی ہے، بحیثت لیڈر ہماری ذمہ داری ہے کہ پانی کے اہم وسائل کی حفاظت کریں’۔
انہوں نے کہا: ‘مل کر ہم ایک پائیدار مستقبل کو یقینی بنا سکتے ہیں جہاں صاف پانی سب کے لیے قابل رسائی ہو’۔
ان کا پوسٹ میں مزید کہنا تھا: ‘ آئیے عہد کریں کہ آنے والی نسلوں کے لیے پانی کے اہم وسائل کی حفاظت کریں’۔