نیلم 55 سال کی ہو گئیں

ممبئی: مشہور بالی ووڈ اداکارہ نیلم آج 55 سال کی ہو گئیں۔
نیلم کوٹھاری 9 نومبر 1969 کو ہانگ کانگ میں پیدا ہوئیں۔ ان کے والد ششیر کوٹھاری اور والدہ پروین کوٹھاری ہیں۔ نیلم کو بچپن سے ہی گانوں اور موسیقی سے دلچسپی تھی۔ انہوں نے کی بورڈ بجانا اور جاز بیلے ڈانس کرنا سیکھا۔ ان کے خاندان کا روایتی زیورات بنانے کا کاروبار ہے۔ ان کی تعلیم آئی لینڈ اسکول میں ہوئی۔ جب وہ چھوٹی تھیں، تو ان کا خاندان بنکاک چلا گیا۔ ایک بار جب نیلم ممبئی میں چھٹیاں منا رہی تھیں تو ہدایت کار رمیش بہل نے ان سے رابطہ کیا۔ 1984 میں انہوں نے نیلم اور کرن شاہ کے ساتھ فلم جوانی بنائی۔
اس کے بعد نیلم نے گووندا کے ساتھ 1986 میں ہٹ فلم الزم میں کام کیا۔ نیلم نے گووندا کے ساتھ بہت مقبول جوڑی بنائی اور انہوں نے 14 فلموں میں ایک ساتھ کام کیا۔ ان کی جوڑی والی کامیاب فلموں میں لو 86، خود غرض، ہتیا اور طاقتورشامل ہیں۔ انہوں نے چنکی پانڈے کے ساتھ پانچ ہٹ فلموں آگ ہی آگ، پاپ کی دنیا، خطروں کے کھلاڑی، مٹی اور سونا اور گھر کا چراغ میں کام کیا۔ انہوںنے بنگالی فلم بدنام (1990) میں پروسینجیت چٹرجی کے ساتھ بھی کام کیا۔
سال 1998 میں نیلم نے سپر ہٹ فلم کچھ کچھ ہوتا ہے میں کام کیا جس میں انہوں نے وی جے کا کردار ادا کیا تھا۔ انہوں نے فیملی ڈرامہ سپرہٹ فلم ہم ساتھ ساتھ ہیں (1999) میں بھی ایک اہم معاون کردار ادا کیا تھا۔ اداکاری میں اپنا کیریئر بنانے کے دوران نیلم کو جیولری ڈیزائننگ میں دلچسپی تھی اور وہ اپنے خاندانی کاروبار میں شامل تھیں۔ انہوں نے ممبئی میں جیولری ڈیزائننگ کا کورس کیا۔ سال 2001 میں عارضی طور پر فلمیں چھوڑنے کے بعد، انہوں نے نیلم جیولز کے نام سے اپنا کاروبار شروع کیا۔ انہوں نے 2004 میں ممبئی میں ایک شوروم کھولا۔ انہوں نے 2011 میں نیلم کوٹھاری فائن جیولز کے نام سے ممبئی میں اپنا جیولری اسٹورشروع کیا۔ نیلم نے بینا مستری کے ہاٹ ہاٹ ہاٹ میوزک ویڈیو میں کام کیا۔ یہ گانا 1995 میں بی ایم جی ریلیز میں ڈانس ہٹس کمپیلیشن کا حصہ ہے جس کا عنوان ہے چینل [وی] ہٹس: دی الٹیمیٹ ڈانس کلیکشن ہے۔ یہ گانا اس وقت ہٹ ہوا جب اسے بیند اٹ لائٹ بیکہم (2002) کے ساؤنڈ ٹریک کے حصے کے طور پر پیش کیا گیا۔
سال 2000 میں، نیلم یو کے کے ایک بزنس مین کے بیٹے رشی سیٹھیا سے شادی کی، لیکن جلد ہی ان کا طلاق ہو گیا۔ اس کے بعد نیلم نے 2011 میں سمیر سونی سے شادی کرلی۔ انہوں نے ایک بیٹی کو گود لیا اور اس کا نام اہانہ رکھا ہے۔ سال 2020 میں انہوں نے سیریز ‘فیبلس لائیوز آف بالی ووڈ وائیوز’ کے ساتھ اداکاری کی دنیا میں واپسی کی ہے۔