اقوام متحدہ: اقوام متحدہ کی مشرقِ قریب ریلیف اینڈ ورک ایجنسی برائے فلسطینی پناہ گزین کے سینیئر کمیونیکیشن آفیسر نے کہا کہ اسرائیلی حملوں کے نتیجے میں غزہ کا شمال "قبرستان کی ماہیت ” اختیار کر چکا ہے۔
واٹریج نے ایکس سوشل پر شمالی غزہ میں ہونے والی تباہ کاریوں کا مشاہدہ کرانے والی ایک مختصر ویڈیو شیئر کی۔
ویڈیو میں سڑک کنارے حملوں کی وجہ سے زمین بوس ہو کر ملبے کا ڈھیر بننے والے رہائشی علاقوں کو دکھایا گیا ہے۔
پیغام میں واٹریج نے کہا "کہ غزہ کے شمال میں تباہیاں کہاں سے شروع ہوتی ہے اور کہاں ختم ہوتی ہے۔” کو بیان کر سکنے کا کوئی طریقہ کار موجود نہیں۔
شہر میں تباہی کی سطح کے بارے میں واٹریج نے کہا، "اس بات سے کوئی فرق نہیں پڑتا ہے کہ آپ غزہ شہر میں کس سمت سے داخل ہوں، گھر، ہسپتال، اسکول، صحت کے مراکز، مساجد، اپارٹمنٹس، ریستوران – یہ سب تباہ ہو چکے ہیں، اب یہ سب قبرستان بن چکا ہے۔”
اقوام متحدہ کے حقوق۱نسانی امور کے دفتر نے نومبر 2023 اور اپریل 2024 کے درمیان غزہ میں جنگی جرائم کی عکاسی کرنےو الی عام شہریوں کے قتل اور بین الاقوامی قوانین کی خلاف ورزیوں کے بارے میں اپنی رپورٹ جاری کی ہے۔
دفتر نے غزہ ، جو قاتل اسرائیل کے شدید حملوں کی زد میں ہے ، میں ہلاک ہونے والوں کا تقریباً 70 فیصدخواتین اور بچے ہونے کی وضاحت کرتے ہوئے غزہ میں ہونے والی خوفناک خلاف ورزیوں اور ممکنہ وحشیانہ جرائم کے لیے "احتساب” کا مطالبہ کیا ہے۔
7 اکتوبر سے غزہ کی پٹی پر اسرائیل کے حملوں میں تقریباً 17 ہزار 210 بچے اور 11 ہزار 742 خواتین سمیت 43 ہزار 508 فلسطینی جاں بحق اور ایک لاکھ 2ہزار 684 افراد زخمی ہوئے ہیں۔
یو این آئی
