بی جے پی کے فرضی شراب گھوٹالے کی کہانی میں ایک اور غبارہ پھٹ گیا: آپ

نئی دہلی:  عام آدمی پارٹی (آپ) کے لیڈر وجے نائر کو پیر کو سپریم کورٹ سے ردعمل ظاہر کرتے ہوئے کہا کہ بھارتیہ جنتا پارٹی (بی جے پی) کے فرضی شراب گھوٹالہ کی کہانی کا ایک اور غبارہ آج پھٹ گیا آپ کے سینئر لیڈر اور دہلی کے سابق نائب وزیر اعلی منیش سسودیا نے مسٹر نائر کی ضمانت کو سچائی کی جیت قرار دیا  انہوں نے کہا "ستیہ میو جیتے۔ بی جے پی کے من گھڑت شراب گھوٹالہ کی کہانی کا ایک اور غبارہ آج پھٹ گیا۔

وجے نائر کو بغیر کسی ثبوت اور بغیر کسی ریکوری کے 23 ماہ تک جیل میں رکھا گیا۔ انہوں نے کہا کہ مقصد صرف ایک ہے – اگر آپ اروند کیجریوال کو انتخابات میں نہیں روک سکتے تو ان کی پوری ٹیم اور انہیں سی بی آئی ۔ ای ڈی کے ذریعے گرفتار کر کے جیل میں بند کر دیں۔ اس میں وقت لگ سکتا ہے لیکن آخر میں جیت صرف سچائی کی ہوتی ہے۔

دہلی کابینہ کی وزیر آتشی نے کہا "بی جے پی کی مرکزی حکومت نے عام آدمی پارٹی کے خلاف سازش کی اور پارٹی کے بہت سے رہنماؤں کو جیل میں ڈال دیا، لیکن مسٹر منیش سیسودیا اور وجے نائر کو ضمانت ملنے کے بعد، یہ ثابت ہوتا ہے کہ سچ پریشان ہو سکتا ہے،” لیکن اسے شکست نہیں ہو سکتی۔”

پارٹی اور ایم ایل ایز کو توڑنے کے لیے ایجنسیوں کا غلط استعمال کیا جا رہا ہے: امانت اللہ

 عام آدمی پارٹی (اے اے پی) کے ایم ایل اے امانت اللہ خان نے آج کہا کہ انہیں اور ان کی پارٹی کو توڑنے کے لئے تفتیشی ایجنسیوں کا غلط استعمال کیا جا رہا ہے، لیکن ہم جیل سے نہیں ڈرتے ایم ایل اے کے دعوے کے باوجود تحقیقاتی ایجنسی ای ڈی (انفورسمنٹ ڈائریکٹوریٹ) کی طرف سے فی الحال کوئی بیان یا معلومات نہیں دی گئی ہے اوکھلا کے ایم ایل اے امانت اللہ نے فیس بک پر ایک ویڈیو جاری کرتے ہوئے کہا کہ ای ڈی تلاشی کے نام پر انہیں گرفتار کرنے آئی ہے۔ انہوں نے بتایا کہ ان کی ساس کینسر میں مبتلا ہیں اور وہ ان کے گھر پر ہیں۔ ابھی چار دن پہلے ان کا آپریشن ہوا تھا۔ یہ اطلاع تفتیشی ایجنسی کو بھی دی گئی اور ان کے ہر نوٹس کا جواب دیا گیا۔ تلاشی کا مقصد صرف ہمیں گرفتار کرنا ہے۔

انہوں نے کہا کہ وہ ہمارا کام روکنا چاہتے ہیں۔ پچھلے دو سال سے وہ مجھے ہراساں کر رہے ہیں اور جھوٹے مقدمات درج کر رہے ہیں۔ ہر روز پریشان کررہے ہیں ۔ صرف مجھے ہی نہیں پوری پارٹی کو ہراساں کیا جا رہا ہے۔ وزیر اعلی اروند کیجریوال اورمسٹر ستیندر جین جیل میں ہیں۔ اب ای ڈی مجھے گرفتار کرنا چاہتی ہے۔ ای ڈی کا مقصد ہمیں اور ہماری پارٹی کو توڑنا ہے۔

مسٹر امانت اللہ نے کہا ہے کہ ہمارے علاقے اوکھلا میں جو بھی ترقیاتی کام ادھورا رہ گیا ہے اسے مکمل کیا جائے گا۔ ہم جیل جانے سے نہیں ڈرتے۔ ہمیں عدالت پر بھروسہ ہے اور ہمیں انصاف ضرور ملے گا۔

انہوں نے کہا کہ ایک ایسا معاملہ ہے جو 2016 سے چل رہا ہے، جس میں مرکزی تفتیشی بیورو (سی بی آئی) نے کہا ہے کہ اس میں کوئی بدعنوانی نہیں ہے، لیکن پھر بھی ہراساں کیا جا رہا ہے۔عام آدمی پارٹی کے لیڈر نے کہا کہ انہوں نے ایسا کچھ نہیں کیا جس سے انہیں شرمندگی یا مایوسی ہو۔

امانت اللہ خان کو بغیر ثبوت کے گرفتار کیا گیا: سنجے سنگھ

عام آدمی پارٹی کے سینئر لیڈر اور راجیہ سبھا ممبر پارلیمنٹ سنجے سنگھ نے کہا ہے کہ پارٹی کے ممبر اسمبلی امانت اللہ خان کو بغیر ثبوت کے گرفتار کیا گیا، جو بھارتیہ جنتا پارٹی ( بی جے پی) کو مہنگا پڑنے والا ہے مسٹر سنگھ نے ٹویٹر پر لکھا ‘یہ غنڈہ گردی بی جے پی والوں کے لئے بہت مہنگی ثابت ہوگی  آپ دہلی میں بری طرح ہاریں گے  امانت اللہ خان کو بغیر ثبوت کے زبردستی گرفتار کیا گیا ہے تاہم تحقیقاتی ایجنسی انفورسمنٹ ڈائریکٹوریٹ ( ای ڈی ) کی طرف سے کوئی سرکاری بیان جاری نہیں کیا گیا ہے۔

قابل ذکر ہے کہ ای ڈی نے دہلی وقف بورڈ سے متعلق معاملے میں آج صبح آپ کے ایم ایل اے امانت اللہ خان کی تلاش شروع کی تھی۔ پارٹی نے سخت ردعمل کا اظہار کرتے ہوئے کہا کہ ان کے ایم ایل اے اور پارٹی کو توڑنے کے لیے اس طرح کی کارروائی کی جا رہی ہے۔