وائٹ نائٹ کور کمانڈرکا کشتواڑ ۔ڈوڈہ کا دورہ،سیکیورٹی کا لیا جائزہ
نیوزڈیسک
سری نگرفوج کے ایک اعلیٰ کمانڈر نے ہفتہ کے روز وادی چناب کے ڈوڈہ اور کشتواڑ اضلاع میں سیکورٹی کی صورتحال کا جائزہ لیا، جہاں18 ستمبر کو پہلے مرحلے میں جنوبی کشمیر کے اضلاع کے ساتھ انتخابات ہونے جا رہے ہیں۔اس دوران معلوم ہواکہ جموں کے ڈوڈہ، کشتواڑ میں سیکورٹی کا اضافی احاطہ فراہم کرنے کے لیے فضائی پلیٹ فارم کا استعمال کیا جا رہا ہے۔حکام نے بتایا کہ جموں میں واقع وائٹ نائٹ کور کے جنرل آفیسر کمانڈنگ (جی او سی) لیفٹیننٹ جنرل نوین سچدیوا نے سالانہ 3 روزہ کیلاش کنڈ یاترا کا بھی جائزہ لیا جو جمعہ کو ا±دھم پور ضلع کے ڈوڈو-بسنت گڑھ سے شروع ہوئی۔ایکس پر ایک پوسٹ میں، وائٹ نائٹ کور نے کہا کہ لیفٹیننٹ جنرل سچدیوا نے ، انسداد بغاوت فورس ڈیلٹا کے ساتھ، ڈوڈہ کشتواڑ کے سوئی گڑھ اور پٹنازی سیکٹروں میں آپریشنل تیاریوں کا سیکورٹی جائزہ لیا۔دورے کے دوران، انہوں نے (لیفٹیننٹ جنرل سچدیوا) فوجیوں کی استقامت اور آپریشن کے دوران پیشہ ورانہ طرز عمل کا مظاہرہ کرنے کی تعریف کی۔ جی او سی نے کیلاش کنڈ یاترا کا بھی جائزہ لیا۔ فوج نے کہا کہ سیکورٹی فورسز سخت چوکسی برقرار رکھے ہوئے ہیں اور اوور واچ فراہم کرنے کے لیے فضائی پلیٹ فارم کا استعمال کیا جا رہا ہے۔وادی چناب کے ڈوڈہ، کشتواڑ اور رامبن اضلاع میں پھیلے8اسمبلی حلقوں کے ساتھ ساتھ جنوبی کشمیر کے اننت ناگ، پلوامہ، شوپیاں اور کولگام کے اضلاع کی16 سیٹوں پر پہلے مرحلے میں 18 ستمبر کو پولنگ ہو رہی ہے۔تین روزہ کیلاش کنڈ یاترا جمعہ کو اودھم پور ضلع کے ڈوڈو-بسنت گڑھ سے شروع ہوئی اور سیوج دھر میں ایک رات رکنے کے بعد، یاتری ہفتہ کی صبح ڈوڈا ضلع کے کیلاش کنڈ کی طرف روانہ ہوئے۔علاقے میں حالیہ دہشت گردانہ حملوں کے پیش نظر زائرین کی حفاظت کو یقینی بنانے کے لیے تمام اونچائی والے راستوں پر سیکورٹی فورسز کو تعینات کیا گیا ہے جس میں ایک گاو¿ں کے دفاعی محافظ اور ایک CRPF انسپکٹر کی موت ہو گئی تھی۔
