منیلا،: شمالی فلپائن کے کاگاین صوبے میں جمعرات کو علی الصبح ایک مسافر بس اور پک اپ ٹرک کے ایک ہائی وے پر ٹکر کے نتیجے میں کم از کم 11 افراد ہلاک اور چھ دیگر زخمی ہو گئے۔ پولیس نے یہ اطلاع دی۔
ابولوگ شہر کے پولیس چیف انٹونیو پلاٹاؤ نے ایک ریڈیو انٹرویو میں کہا کہ بس جنوب کی طرف جا رہی تھی کہ مرکزی شاہراہ کے ساتھ ایک جنکشن پر ٹرک سے ٹکرا گئی۔
پلاٹاؤ نے بتایا کہ حادثہ کی وجہ سے ٹرک تقریباً 20 میٹر تک گھسٹا گیا جس سے اس کے مسافر سڑک پر گر گئے۔پلاٹاؤ نے کہا کہ امدادی کارکنوں نے 11 ٹرک مسافروں کی لاشیں نکال لیں۔ اسے مقامی اسپتال لے جایا گیا، جہاں اسے مردہ قرار دے دیا گیا۔
انہوں نے بتایا کہ ٹرک ڈرائیور شدید زخمی ہوا جبکہ ایک پیدل چلنے والا، دو مسافر، بس ڈرائیور اور اس کے معاون کو معمولی چوٹیں آئیں۔ پلاٹاؤ نے کہا کہ واقعہ کی تحقیقات جاری ہیں۔
یو این آئی
