ادبی تقریب :مصنفہ مزمل ہلال لہر وال کی دو کتابوں کی رسم رونمائی

ادبی تقریب :مصنفہ مزمل ہلال لہر وال کی دو کتابوں کی رسم رونمائی

صدف شبیر ،فہیم متو

سرینگر: سرینگر کے ثقافتی مرکز ٹیگور ہال سرینگر میں منگلوار کو ایک ادبی تقریب منعقد ہوئی ،جس میں وادی کشمیر کے نامورادبی اشخاص ،شعرا ء،قلمکاروں اور صحافیوں نے شرکت کی ۔اس موقع پر مصنفہ مزمل ہلال لہروال کی دو کتابوں ” حضرت عثمان غنی ؓ اور نقش ِ حیات کی رسم رونما ئی انجا م دی گئی ۔

Photo: Fahim Mattoo

اس تقریب کا اہتمام نگینی کلچرل فاﺅنڈیشن نے کیا ۔ تقریب کی صدارت معروف عالم دین مولانا خورشید احمد قانو نگو نے کی ۔ ایشین میل کے مدیر اعلیٰ رشید راہل ، نگینی کلچرل فاﺅنڈیشن کے چیئرمین انجینئر شبنم بشیر اور بشیر شاکر نے کتابوں پر تبصرے پیش کئے جبکہ فاروق ابن گلدون اور عرفانہ جی نے نعتیہ کلام سے حاضرین کو محظوظ کیا ۔جبکہ وادی کشمیر کے نامو ر شاعر ، ادیب اور برارڈ کاسٹر عبدالاحد فرہاد نے نظامت کے فرائض انجام دیئے ۔

Photo: Fahim Mattoo

ادبی تقریب میں وادی کشمیر کے نامورادبی اشخاص ،شعرا ء،قلمکاروں اور صحافیوں نے شرکت کی جن میں نگینی کلچر فاونڈیشن کے چیرمین انجینئر شبنم بشیر ،شاعر حمید ناصر ،منظور ظہور ، خورشید قانون گو ،بشیر شاکر ،اشرف دلدار وغیرہ شامل ہیں ۔

Photo: Fahim Mattoo

ایشین میل کیساتھ بات کرتے ہوئے معروف براڈ کاسٹر عبد الا حد فرہاد نے کہا کہ وادی کشمیر کے معاشرے کو بے راہ روی نے دیمک کی طرح چاٹ لیا ہے ۔ ان کا کہناتھا کہ آج کے بگڑتے معاشرے میں ایسی کتابوں کی کافی ضرورت ہے ،تاکہ ہماری نوجوان نسل مروجہ تعلیم کیساتھ ساتھ اسلامی اداب سے بھی روشناس ہو سکے ۔مصنفہ مزمل ہلال لہروال کی اس سے قبل نعتیہ کلام پر مبنی کتابوں کے علاوہ سیرت طیبہ (ﷺ) کے علاوہ آداب ِ اسلامی پر کئی کتابیں قلمبند کر چکی ہیں ۔ ان کا کہنا تھا کہ وہ مستقبل میں ایسی کوششیں جاری رکھیں گی ۔

Photo: Fahim Mattoo

 

Leave a Reply

Your email address will not be published.