چنئی، 12 نومبر : مرکزی وزیر داخلہ امت شاہ نے مادری زبان میں میڈیکل اور انجینئرنگ کی تعلیم دینے کی ضرورت کی پر زور حمایت کرتے ہوئے ہفتہ کے روز تمل ناڈو حکومت پر زور دیا کہ وہ اس سلسلے میں پیش قدمی کرے، اور کہا کہ تمل سب سے قدیم زبان ہے اور ملک بھر میں بولی جاتی ہے اس پر فخر ہے۔مسٹر شاہ نے یہاں انڈیا سیمنٹس کی پلاٹینم جوبلی سے خطاب کرتے ہوئے کہا کہ اگر تمل ناڈو اس طرح کے کورسز تمل میں شروع کرتا ہے تو یہ بہت اچھا ہوگا کیونکہ یہ طلبائ کے لئے آسان ہوگا۔ساتھ ہی طلبائ اپنی مادری زبان میں تحقیق اور ترقی کر سکتے ہیں۔ انہوں نے کہا، ”میڈیکل اور انجینئرنگ کی تعلیم تمل میں اور تمل ناڈو حکومت کو اس کی قیادت کرنی چاہئے اور اسے شروع کرنا چاہئے۔ تمل سب سے قدیم زبان ہے اور پورے ملک کو اس پر فخر ہے۔انہوں نے کہا کہ وزیر اعظم نریندر مودی تمل ناڈو کی ترقی پر توجہ دے رہے ہیں۔ انہوں نے ڈیفنس کوریڈور جیسے مختلف پروجیکٹوں کی فہرست دی اور کہا کہ ریاستی اور مرکزی گرانٹس میں ٹیکس موڑنے میں پچھلے آٹھ سالوں کے دوران کئی گنا اضافہ ہوا ہے۔مرکزی وزیر نے کہا، ”سب سے پہلے میں این سری نواسن (وائس چیئرمین اور انڈیا سیمنٹس کے ایم ڈی) اور ان کی ٹیم کو تہہ دل سے مبارکباد دینا چاہوں گا کیونکہ کوئی بھی ادارہ جو 75 سال مکمل کرتا ہے، آپ کو خود کو ایک لیڈر کے طور پر ثابت کرنا ہوتا ہے، یہ تب ہی ہوتا ہے تبھی 75 سال کا سفر مکمل ہوا۔“ انہوں نے کہا کہ”’اگر کوئی کمپنی 75 سال سے قائم ہے، تو یہ ظاہر کرتی ہے کہ وہ اس شعبے میں ایک لیڈر ہے۔“مسٹرشاہ نے کہا کہ ”کسی بھی ملک کی ترقی کے لیے بنیادی ضرورت بنیادی ڈھانچہ ہے اور بنیادی ڈھانچے کو بہتر بنانے کے لیے بنیادی ضرورت سیمنٹ ہوگی۔ سیمنٹ کی پیداوار اچھے معیار کی ہونی چاہیے اور میں کہہ سکتا ہوں کہ انڈیا سیمنٹس نے سیمنٹ کی صنعت نے میں شروع سے ہی اچھے معیار کے سیمنٹ بنایاہے اور 10 فیکٹریوں کے ساتھ ڈیرھ کروڑ ٹن سے زیادہ پیداوار کی ہے۔“انہوں نے کہا،”کہ ہمارا ملک ترقی کی سمت میں مضبوطی سے آگے بڑھ رہا ہے۔ آج مجھے یقین ہے کہ ہندوستان 2025 تک یقینی طور پر پانچ ٹریلین ڈالر کی معیشت بن جائے گی۔ میں یہ یقین کے ساتھ کہہ سکتا ہوں کیونکہ آٹھ سالوں میں ہندوستان کی معیشت صرف 11 سے گھٹ کر پانچ ہوگئی ہے۔“انہوں نے کہا،”حال ہی میں، مورگن اسٹینلی کی ایک رپورٹ ہے کہ 2027 میں ہندوستان عالمی معیشت میں تیسرے نمبر پر پہنچ جائے گا۔ اسے کوئی نہیں روک سکتا اور اس کے لیے بنیادی ڈھانچہ بہت اہم ہے۔“اس موقع پر حیوانات، ڈیری اور ماہی پروری کے مرکزی وزیر مملکت ایل مروگن، تمل ناڈو کے گورنر آر این روی، وزیر صنعت تھنگم تھینراسو اور آندھرا پردیش کے وزیر خزانہ بگنا راجندر ناتھ بھی موجود تھے۔
یو این آئی
