مذہبی شدت پسندی او رمذہبی منافرت سب سے زیادہ انسان اور انسانیت کی دشمن ثابت ہو رہی ہے کیونکہ مذہب کی آڑ میں ایک عام انسان کو نہایت ہی آرام اور بغیر کسی رکاوٹ کے بہلایا پھسلایا جا سکتا ہے ۔
جہاںتک دنیا کے مذاہب کا تعلق ہے، یہ انسان اور انسانیت کی بنیادوں کو بہتر اور مضبوط بنانے کیلئے معرض وجود میں آچکے ہیں لیکن وقت گذرنے کےساتھ ساتھ انسانوں نے ان مذاہب کی آڑ میں عام اور سادہ لوح انسانوں کا نہ صرف استحصال کیا ہے بلکہ ذہن زنگ آلودہ بنا کر ان سے امن وسکون چھین لیا ہے ۔
آج دیکھا جائے توپوری دنیا میں لوگ ایک دوسرے سے نفرت کرتے ہیں اور ایک دوسرے کا خون اس بناءپر بہا دیتے ہیں کہ میں صحیح ہوں اور آپ غلط ۔جبکہ حقیقت یہی ہے کہ بیشتر لوگ مذہب کی آڑ میں مختلف طریقوں سے لوگوں کو خراب کرتے ہیں جسے بچنے کی بے حد ضرورت ہے ۔
