سری نگر، 7 فروری : جنوبی ضلع پلوامہ کے نامبل اونتی پورہ میں جنگجووں اور سیکورٹی فورسز کے درمیان گولیوں کا تبادلہ ہوا ہے۔
پولیس ذرائع نے بتایا کہ پیر کی شام کو سیکورٹی فورسز نے مصدقہ اطلاع موصول ہونے کے بعد اونتی پورہ کے نامبل گاوں کو محاصرے میں لے کر جونہی تلاشی آپریشن شروع کیا تو اسی اثنا میں وہاں پر موجود جنگجووں نے فورسز پر اندھا دھند فائرنگ شروع کی ۔
انہوں نے کہاکہ حفاظتی عملے نے بھی پوزیشن سنبھال کر جوابی کارروائی کا آغاز کیا جس دوران دوبدو گولیوں کا تبادلہ شروع ہوا۔
پولیس ذرائع کے مطابق سیکورٹی فورسز نے آس پاس علاقوں کو محاصرے میں لے کر فرار ہونے کے سبھی راستوں پر پہرے بٹھا دئے ہیں۔
اُن کے مطابق نامبل اونتی پورہ اور اُس کے ملحقہ علاقوں میں بھی سیکورٹی فورسز کی تعیناتی عمل میں لائی گئی ہے تاکہ ملی ٹینٹوں کو فرار ہونے کا کوئی بھی موقع فراہم نہ ہو سکے۔
آخری اطلاعات موصول ہونے تک گاوں میں رک رک کر گولیوں کا تبادلہ جاری تھا۔
اس سلسلے میں مزید تفصیلات کا انتظار ہے۔
یو این آئی
