بماکو/افریقی ملک مالی میں ایک دہشت گردانہ حملے میں فوج کے کم سے کم چارجوان ہلاک اور 14 دیگر زخمی ہو گئے ہیں۔
مالی کی مسلح افواج (ایف اے ایم اے ) نے ایک بیان جاری کرکے یہ اطلاع دی ہے۔ ایف اے ایم اے نے بتایا کہ عسکریت پسندوں کے ایک گروپ نے اتوار کی سہ پہر کولیکورو علاقے میں ایک سیکورٹی چوکی پر حملہ کیا۔
ابتدائی اطلاعات کے مطابق حملے میں ایف اے ایم اے کے چار ارکان ہلاک اور 14 دیگر زخمی ہوگئے۔ اس دوران فوج کی جوابی کارروئی میں چھ حملہ آور بھی مارے گئے ہیں۔
یو این آئی
