سری نگر،21 ستمبر (یو این آئی) وسطی کشمیر کے ضلع بڈگام کے ہمہامہ علاقے میں ائیر پورٹ روڈ پر پیر کی شام سکورٹی فورسز نے ایک بارودی سرنگ بر آمد کی جس کو بعد میں ناکارہ بنا دیا گیا۔
سرکاری ذرائع نے بتایا کہ سیکورٹی فورسز اہلکاروں نے پیر کی شام ہمہامہ کے گوگو علاقے میں ائیر پورٹ روڈ پر ایک آئی ای ڈی بر آمد کی۔
انہوں نے بتایا کہ آئی ای ڈی کو ناکارہ بنانے کے لئے بم ناکارہ بنانے والی ایک ٹیم کو جائے موقع پر طلب کیا گیا جنہوں نے اس کو بغیر کوئی نقصان پہنچائے ناکارہ بنا دیا۔
دریں اثنا ایک سینئر پولیس افسر نے واقعے کی تصدیق کرتے ہوئے کہا کہ آئی ای ڈی کو ناکارہ بنا دیا گیا۔
یو این آئی
