ہندوستان میں لگاتار دوسرے دن کورونا کے نئے معاملوں کی تعداد دو لاکھ سے زیادہ رہی جبکہ اموات کی تعداد 4 ہزار سے کم رہی۔ مرکزی وزارت صحت کے مطابق گزشتہ 24 گھنٹوں کے دوران ملک بھر سے کورونا کے 2 لاکھ 11 ہزار 298 نئے معاملے رپورٹ ہوئے.

اس دوران 2 لاکھ 83 ہزار 138 افراد نے شفایابی حاصل کر لی جبکہ 3 ہزار 847 مریضوں نے دم توڑ دیا۔ جس کے بعد اموات کی مجموعی تعداد بڑھ کر 3 لاکھ 15 ہزار 235 ہو گئی۔ ملک میں فی الحال کورونا کے 24 لاکھ 19 ہزار 907 کیسز فعال ہیں۔