آندھراپردیش کے وزیراعلی وائی ایس راج جگن مو ہن ریڈی کی پہلی کابینہ کا اجلاس پیر کو سیکریٹیریٹ میں ساڑھے دس بجے دن منعقد کیا جائے گا۔ اس اجلاس کا اصل ایجنڈہ کسانوں، خواتین اور روزگار کے مسائل پر توجہ دینا ہے۔ اس اجلاس میں خریف کے موسم میں کیے جانے والے اقدامات ،آشا ورکرس کی اجرتوں میں اضافہ اور سرکاری ملازمین کے لیے 27 فیصد عبوری راحت کے امور پر بھی تبادلہ خیال کیا جائے گا ۔اجلاس کی صدارت جگن موہن ریڈی کریں گے جس میں طوفان تتلی اور فانی میں فصلوں سے محروم کسانوں کو حکومت کی طرف سے معاوضے کی ادائیگی کے سلسلے میں بھی فیصلہ کیا جائے گا۔ ساتھ ہی مرکز سے ریاست کو موصول ہونے والی امداد پر بھی بات چیت کی جائے گی۔ کابینہ کے اجلاس میں تخم کی دستیابی سے متعلق مسائل تعداد کی دستیابی ،فارمس کے سیزن کے آغاز کے پیش نظر کسانوں کی فصلوں کے لیے اقل ترین امدادی قیمت کے مسئلہ پر بھی تبادلہ خیال کیا جائے گا ۔وزیر اعلی جگن مو ہن نے پہلے ہی آشا ورکرس کی اجرتوں کو تین ہزار روپے سے بڑھا کر دس ہزار روپے کرنے کا فیصلہ کیا تھا اور اس فیصلے کا اعلان گزشتہ روز انہوں نے کیا تھا۔یواین آئی
