کپواڑہ: شمالی کشمیر کے ضلع کپواڑہ کے کرالہ گنڈ علاقے میں پیر کی صبح ٹاٹا موبائل گاڑی کی ٹکر سے ایک 55 سالہ راہگیر جاں بحق ہوگیا۔
خبر رساں ایجنسی کشمیر نیوز آبزرور (کے این او) کو ایک عہدیدار نے بتایا کہ یہ حادثہ اس وقت پیش آیا جب رجسٹریشن نمبر JK09-6657 والی ٹاٹا موبائل گاڑی نے کپواڑہ کے کرالہ گنڈ علاقے میں واقع بڈبگ، اشپورہ میں ایک شخص کو ٹکر مار دی۔
زخمی شخص کو گورنمنٹ میڈیکل کالج (جی ایم سی) ہندواڑہ منتقل کیا گیا، جہاں ڈاکٹروں نے اسے مردہ قرار دے دیا۔ جاں بحق شخص کی شناخت ریاض احمد ساکن بڈبگ، اشپورہ، کرالہ گنڈ کے طور پر ہوئی ہے۔
دریں اثنا، پولیس نے واقعے کا نوٹس لیتے ہوئے کارروائی شروع کر دی ہے۔ — (کے این او)
