عام انتخابات میں جو رجحانات ابھی تک آئے ہیں اس کے مطابق مودی حکومت ایک بار پھر برسراقتدار ہوتی ہوئی نظر آ رہی ہے۔ این ڈی اے کی زبردست کارکردگی کے مل رہے اشاروں کے بعد شیئر مارکیٹ نے بھی زبردست چھلانگ لگائی ہے۔ سنسیکس پہلی بار 40 ہزار کے پار پہنچ گیا ہے۔

مدھیہ پردیش میں 29، راجستھان میں 25، دہلی میں 7، ہماچل پردیش میں 4، اتراکھنڈ میں 5 پارلیمانی سیٹیں ہیں اور ان سبھی سیٹوں پر بی جے پی امیدوار آگے چل رہے ہیں۔ کئی ریاستوں میں بی جے پی محض ایک یا دو سیٹ پر پیچھے ہے اور بقیہ پارلیمانی سیٹوں پر آگے چل رہی ہے۔ جو رجحانات مل رہے ہیں اس کے مطابق بی جے پی تنہا اکثریت حاصل کرتی ہوئی نظر آ رہی ہے اور این ڈی اے کی سیٹیں 330 کے پار پہنچتی ہوئی معلوم ہو رہی ہیں۔

شروعاتی رجحانوں میں این ڈی اے کو سبقت حاصل ہوتی ہوئی نظر آ رہی ہے۔ این ڈی اے 320 سیٹوں، یو پی اے 111 سیٹوں پر اور دیگر 104 سیٹوں پر ابھی تک آگے ہے۔ اتر پردیش میں یو پی کی کارکردگی بہت اچھی ہوتی ہوئی نظر آ رہی ہے۔ یہاں اب تک ہوئی ووٹوں کی گنتی کے مطابق بی جے پی کو تقریباً 51 فیصد ووٹ شیئر حاصل ہوا ہے۔