ایشین میل نیوز ڈیسک
سرینگر/ منشیات اور نشیلی ادویات کا کاروبار کرنے والوں کے خلاف اپنی مہم جاری رکھتے ہوئے سرینگر پولیس نے ناکہ چیکنگ کے دوران منشیات فروش کی گرفتار ی عمل میں لا کر ا±س کے قبضے سے نشیلی ادویات برآمدکرکے ضبط کیں۔
سرینگر پولیس نے گزر بل چوک باغیاث میں ناکہ چیکنگ کے دوران ٹرک زیر نمبر JK05G/1424کو روک کر اسکی تلاشی لی ،جس دوراب پولیس ٹیم نے ٹرک سے210خوڈین بوتلیں اور720کیپشول برآمد کرکے تحویل میں لے لئے۔
پولیس نے موقع پر ہی محمد رفیق میر ولد عبدالرشید ساکنہ بہرام پورہ رفیع آباد کی گرفتار عمل میں لا کر اس سلسلے میں ایف آئی آر زیر نمبر72/2019کے تحت پولیس اسٹیشن صفاکدل میں کیس درج کرکے مزید تحقیقات شروع کی ہے ۔
پولیس نے عوام الناس سے اپیل کی ہے کہ وہ منشیات کا کاروبار کرنے والوں کے بارے میں قانون نافذ کرنے والے ادارے کو مطلع کریں تاکہ اس بدعت کا قلع قمع کیا جاسکے۔
پولیس کی جانب سے منشیات اور نشیلی ادویات کے خلاف چلائی جا رہی مہم کامقصد لوگوں کو منشیات سے پاک ماحول فراہم کرنا مقصود ہے۔منشیات فروش سماج کیلئے ناسور بن چکے ہیں لہذا اس بیماری کو جڑ سے اکھاڑ پھینکنے کیلئے ہر ایک کو اپنا دستِ تعاون پیش کرنا چاہئے تاکہ نوجوان نسل کو بری عادتوں میں مبتلا ہونے سے دور رکھا جاسکے۔
